JIN សមាជិកក្រុមចម្រៀងបុរសដ៏ល្បីល្បាញ តែងតែមានរឿងល្អៗនិងការគិតល្អៗ មកចែករំលែកជាមួយនឹងអ្នកគាំទ្រជានិច្ច។ JIN បានបង្ហើបឱ្យដឹងថាអាជីពដំបូងក្នុងសុបិនរបស់ខ្លួនគឺ គេចង់ក្លាយជាអ្នកសារព័ត៌មានដើម្បីជួយដល់មនុស្សខ្វះខាតឱកាសខាងសង្គម។
ជីនគឺជាមនុស្សម្នាក់មានសមត្ថភាពនិងមានជំនាញជាច្រើន បច្ចុប្បន្នគេគឺជាបុគ្គលល្បីមានអ្នកគាំទ្រច្រើនក្នុងនាមជាតារាចម្រៀង ចំណែកការសិក្សាវិញតារាចម្រៀងរូបនេះក៏ជាសិស្សពូកែទទួលបានប័ណ្ណសរសើរផងដែរ។
JIN ជាមនុស្សល្បី មានចិត្តទូលាយ សូម្បីតែការងារដែលគេស្រមៃក៏ធំធេងអស្ចារ្យខ្លាំងដែរ ព្រោះការដែលលោកចង់ធ្វើជាអ្នកព័ត៌មានដើម្បីជួយមនុស្សខ្វះឱកាសខាងសង្គម
បុរសសង្ហារូបនេះក៏ធ្លាប់បានប្រាប់ដែរថា ឪពុករបស់គេបានបង្រៀនឱ្យគេចិត្តល្អដាក់អ្នកគ្រប់និងមានចិត្តសណ្ដោសចំពោះអ្នកទន់ខ្សោយ កន្លងមកជីននិងឪពុករបស់គេធ្លាប់ឧបត្ថម្ភធ្យូងទៅតាមផ្ទះរបស់គេក្នុងរដូវរងាផងដែរ។ ក្រៅពីនោះ JIN នៅធ្លាប់បានចំណាយលុយជួយដល់មិត្តភក្ដិដែលមានបញ្ហាហិរញ្ញវត្ថុថែមទៀតផង។
បច្ចុប្បន្ន JIN អាចមានសមត្ថភាពធ្វើឱ្យសុបិនផ្នែកមនុស្សធម៌របស់គេក្លាយជាការពិត ដោយគេបានយកប្រាក់យ៉ាងច្រើនជួយដល់យូនីសេហ្វ ខណៈដែលអ្នកគាំទ្ររបស់ជីនមានឈ្មោះ Honor Club បានធ្វើតាមសម្ដីរបស់ជីនហើយក្លាយជាក្រុមអ្នកគាំទ្រដែលបរិច្ចាគថវិកាច្រើននិងបន្តកន្ទុយគ្នា។
JIN គឺជាសមាជិកម្នាក់ក្នុងក្រុមចម្រៀង BTS ក្រុមចម្រៀងដ៏មានឥទ្ធិពលនិងមានប្រជាប្រិយភាពបំផុតរបស់ប្រទេសកូរ៉េខាងត្បូង ដែលមានក្រុមអ្នកគាំទ្រមានឈ្មោះហៅថា ARMY ស្ទើពាសពេញពិភពលោក៕
