តារាចម្រៀង ពេជ្រ សោភា បានចេញវីដេអូចម្រៀង Cover បទ I am not Perfect កាលពីថ្ងៃទី១៩ ខែសីហា ឆ្នាំ២០២១ ដែលគិតមកដល់ត្រឹមថ្ងៃទី២៥ ខែសីហា មានរយៈពេលត្រឹមមួយសប្ដាហ៍ អាចរកបានចំនួនទស្សនារហូតដល់ ១លានដង។
អ្នកនាង ពេជ្រ សោភា បានចេញមកបង្ហាញចំណាប់អារម្មណ៍របស់ខ្លួននៅលើបណ្ដាញសង្គមក្រោយវីដេអូបទចម្រៀងដែលខ្លួនច្រៀង Cover បទ I am not Perfect មានការចាប់អារម្មណ៍ខ្លាំងនិងមានចំនួនទស្សនាកើនឡើងខ្ពស់។
នៅក្នុងសំណេរដែលតារាចម្រៀងដ៏ល្បីមួយរូបនេះបានបង្ហោះនៅលើបណ្ដាញ អ្នកនាងបានចែករំលែកឱ្យដឹងថាអ្នកនាងរំភើបរីករាយជាខ្លាំងដែលវីដេអូបទចម្រៀងខ្លួនមានការគាំទ្រច្រើន លើសពីនេះទៀត អ្នកនាងក៏បានបង្ហើបដែរថា អ្នកនាងត្រៀមនឹងចេញវីដេអូថ្មីកាន់តែត្រជាក់ភ្នែក ដើម្បីឆ្លើយតបក៏ដូចជាអរគុណចំពោះការគាំទ្របទនេះ។
ដោយក្នុងសំណេរនោះមានខ្លឹមសារទាំងស្រុងថា «Baby ស្គាល់រសជាតិនឹងហើយ ១អាទិត្យ 1M បានសិនចាំផុស ឆ្លើយតបនឹងការចូលមើល យើងនឹង ចេញ video ដ៍ត្រជាក់ភ្នែកជាងនេះទៀត»។
គួរដឹងថាអ្នកនាង ពេជ្រ សោភា គឺជាតារាចម្រៀងដែលមានការគាំទ្រខ្លាំង ព្រោះមានសមត្ថភាពនិងទេពកោសល្យល្អអាចច្រៀងបានទាំងបទចម្រៀង មនោសញ្ចេតនាស្នេហា និងជាបទចម្រៀងញាក់កន្ត្រាក់អារម្មណ៍៕
ទស្សនាវីដេអូព័ត៌មានខាងក្រោមនេះ៖
