ក្រុមបាល់ទាត់នារី SFK 2000 សមាជិកលីគកំពូលរបស់ប្រទេសបូស្នៀ និងហឺហ្សេហ្គូវីណា គឺជាក្រុមនារីតែមួយគត់ដែលឈ្នះពានរង្វាន់លីគកំពូល ២២ឆ្នាំជាប់ៗគ្នា ហើយជ័យជន្នះនេះបានកាត់ត្រាចូលក្នុងបញ្ជីកំណត់ត្រាពិភពលោក (Guinness World Records)។
ក្រុមបាល់ទាត់នារីដែលមានឈ្មោះពេញថា « ŽNK SFK 2000 Sarajevo » បានបង្តើតឡើងនៅឆ្នាំ២០០០ ពោលគឺមានអាយុកាលជាង២៤ឆ្នាំហើយ ខណៈក្រុមបាល់ទាត់នារីមួយនេះជាក្រុមដំបូងគេនៅលើពិភពលោក ដែលគ្រងជើងឯកលីគកំពូលជាប់ៗគ្នាច្រើនជាងក្រុមណាៗបង្អស់ នៅលីគកំពូលនៃប្រទេសបូស្នៀ និងហឺហ្សេហ្គូវីណា ក្នុងទ្វីបអឺរ៉ុប។
សារព័ត៌មានត្រយង សូមជម្រាបជូនអំពីឆ្នាំដែលក្រុមSFK 2000 ដូចតទៅ៖
- ឆ្នាំ២០០៣-០៤ ឈ្នះជើងឯកពានរង្វាន់ Women’s Cup
- ឆ្នាំ២០០៤-០៥ ឈ្នះជើងឯកពានរង្វាន់ Women’s Cup
- ឆ្នាំ២០០៥-០៦ ឈ្នះជើងឯកពានរង្វាន់ Women’s Cup
- ឆ្នាំ២០០៦-០៧ ឈ្នះជើងឯកពានរង្វាន់ Women’s Cup
- ឆ្នាំ២០០៧-០៨ ឈ្នះជើងឯកពានរង្វាន់ Women’s Cup
- ឆ្នាំ២០០៨-០៩ ឈ្នះជើងឯកពានរង្វាន់ Women’s Cup
- ឆ្នាំ២០០៩-១០ រហូតដល់ឆ្នាំ២០២៣-២៤ ក្រុមSFK 2000 បន្តឈ្នះជើងឯកពានរង្វាន់ Bosnia and Herzegovina Women’s Premier League ។
សម្រាប់ការប្រកួតពានរង្វាន់លីគបាល់ទាត់នារី Bosnia Herzegovina Women’s Premier League រដូវកាលឆ្នាំ២០២៣-២៤ មានក្រុមចូលរួមចំនួន៨ក្រុម មានដូចជា៖
- Borac Banja Luka
- Emina Mostar
- Fortuna Živinice
- Iskra
- Libero
- Lokomotiva
- Radnik Bumerang
- ŽNK SFK 2000 Sarajevo
សូមបន្ថែមថា សម្រាប់រដូវកាលឆ្នាំ២០២៣-២៤ នេះក្រុមŽNK SFK 2000 Sarajevo គឺឈរកំពូលតារាងចំណាត់ថ្នាក់ ក្រោយឆ្លងកាត់ ១៤ប្រកួតឈ្នះទាំង១៤ប្រកួត មាន៤២ពិន្ទុ តាមពីក្រោយដោយក្រុម ŽFK Radnik Bumerang មាន៣២ពិន្ទុ៕
