កណ្តាល៖ ឃាត់ខ្លួនបានក្មេងទំនើង២នាក់ ក្នុងចំណោមបក្ខពួក៦នាក់ ក្រោយជិះម៉ូតូដេញវាយគ្នាយ៉ាងអនាធិបតយ្យ កាលពីថ្ងៃទី០២ ខែមិថុនា ឆ្នាំ២០២៤ វេលាម៉ោង១៣:៣០នាទី នៅចំណុច ផ្លូវបេតុងភូមិអន្ទុងក្រវៀន ឃុំម្កាក់ ស្រុកអង្គស្នួល ខេត្តកណ្តាល។
ជនសង្ស័យឃាត់ខ្លួនបាន០២នាក់ ទី១.ឈ្មោះ ជ័យ សុវណ្ណបញ្ញា ភេទប្រុស អាយុ១៩ឆ្នាំ ជនជាតិខ្មែរ មុខរបរសិស្ស រស់នៅភូមិរំដេញ ឃុំម្កាក់ ស្រុកអង្គស្នួល ខេត្តកណ្ដាល ។ ទី២.ឈ្មោះ សំអុន សំបុត្រ ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មកររោងចក្រ រស់នៅភូមិត្រពាំងកំភ្លាញ ឃុំទួលព្រេជ ស្រុកអង្គស្នួល ខេត្តកណ្ដាល ។ ចំណែក០៤នាក់ទៀត កំពុងរត់គេចខ្លួន។ ព្រមទាំងដកហូតម៉ូតូចមនួន០២គ្រឿង, ខ្សែក្រវាត់ក្បាលដែករាងជាអក្សរ H ០១ខ្សែ។
តាមប្រភពព័ត៌ុមានពីសមតកថកិច្ចបានឱ្យដឹថា កាលពីថ្ងៃទី០២ ខែមិថុនា ឆ្នាំ២០២៤ កម្លាំងប៉ុសិ៍តនគរបាលរដ្ឋបាលម្កាក់ នៃអធិការដ្ឋាននគរបាលស្រុកអង្គស្នួល បានឃេីញវីដេអូ ក្នុងគណនីហ្វេសប៊ុកឈ្មោះ ដានិត ជួសជុលទូរស័ព្ទដៃ (បច្ចុប្បន្នម្ចាស់ហ្វេសប៊ុកបានលុបវីដេអូវិញហេីយ)។ លុះដល់ថ្ងៃទី០៣ ខែមិថុនា ឆ្នាំ២០២៤ វេលាម៉ោង០៩:៣០នាទី កម្លាំងផ្នែកជំនាញនគរបាលយុត្តិធ៌ម សហការជាមួយកម្លាំងប៉ុសិ៍តនគរបាលរដ្ឋបាលម្កាក់ ក៏បានធ្វេីការចុះស៊េីបអង្កេតស្រាវជ្រាវកំណត់មុខសញ្ញាជនសង្ស័យនិងបក្ខពួក ក៏ឈានដល់ការនាំខ្លួនជនសង្ស័យ០១នាក់ នៅចំណុចសាលាវិទ្យាល័យហ៊ុនសែន ត្រពាំងត្នោត ឃុំម្កាក់ មកប៉ុសិ៍តនគរបាលរដ្ឋបាលម្កាក់ ដេីម្បីសាកសួរបន្ត។ លុះដល់វេលាម៉ោង១៥:៣០នាទី ថ្ងៃដដែល កម្លាំងផ្នែកជំនាញស្រុកអង្គស្នួល បានសហការជាមួយ កម្លាំងប៉ុសិ៍តនគរបាលរដ្ឋបាលពញាពន់ និងកម្លាំងប៉ុសិ៍តនគរបាលរដ្ឋបាលពន្សាំង នៃអធិការដ្ឋាននគរបាលខណ្ឌព្រែកព្នៅ ក៏បានធ្វេីការកំណត់មុខសញ្ញាជនសង្ស័យបាន ០១នាក់ទៀត នៅចំណុចរោងចក្រសុីជី (CG) ភូមិស្រែដូនតូច សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។
ក្រោយឃាត់ខ្លួន ជនសង្ស័យ និងបក្ខពួកបានឆ្លើយសារភាពថា ខ្លួនមានគ្នាចំនួន០៦នាក់ទៀត ជិះម៉ូតូចំនួន ០៣គ្រឿង ចេញពីផឹកសុីជុំគ្នានៅចំណុចភូមិឈេីបួន ឃុំម្កាក់ ក្នុងគោលបំណងជូនបក្ខពួកទៅផ្ទះ នៅឃុំត្រាចទង ស្រុកសាមគ្គីមុនីជ័យ ខេត្តកំពង់ស្ពឺ លុះមកដល់ចំណុចភូមិលំហាច ឃុំម្កាក់ ស្រាប់តែមានបក្ខពួកជនសង្ស័យមួយក្រុមផ្សេងទៀតមានគ្នាចំនួន ០៥នាក់ ប្រុសមិនស្គាល់អត្តសញ្ញាណ ជិះម៉ូតូម៉ាក អុិចសាយទ័រ ចំនួន០៣គ្រឿង គ្មានផ្លាកលេខ បានជិះតាមពីក្រោយហេីយបានធ្វេីសកម្មភាពគប់ដុំថ្មត្រូវចំកណ្តាលខ្នង ជនសង្ស័យម្នាក់បណ្តាលឱ្យមានរបួសខ្នង។
ភ្លាមនោះជនសង្ស័យ និងបក្ខពួកបានជិះម៉ូតូដេញតាមពីក្រោយ លុះដល់ចំណុចកេីតហេតុខាងលេី ជនសង្ស័យនិងបក្ខពួកម្ខាងទៀត បានដួលម៉ូតូ បន្ទាប់មកជនសង្ស័យឈ្មោះ ជ័យ សុវណ្ណបញ្ញា បានហូតខ្សែក្រវាត់ហេីយធ្វេីសកម្មភាពដេញវាយបក្ខពួកម្ខាងទៀតនោះ តែមិនបានសម្រេចក៏បាននាំគ្នាឡេីងជិះម៉ូតូគេចខ្លួនចេញពីកន្លែងកេីតហេតុតេម្តង។ បច្ចុប្បន្ន ជនសង្ស័យទាំងពីរនាក់ កត្រូវបានម្លាំងផ្នែកជំនាញកំពុងកសាងសំណុំរឿងតាមនីតិវិធី៕
អត្ថបទ៖ កណ្តាល
