ការប្រកួតបាល់ទាត់ពានរង្វាន់ Soccer League លើកទី៧ ឆ្នាំ២០២៤ មិនត្រឹមតែជាវេទិកាដែលបានផ្តល់ឱកាសដល់យុវជនកម្ពុជា ក្នុងការជួបជុំ រឹតចំណង មិត្តភាព សាមគ្គីភាព និងបង្កើនកិច្ចសហប្រតិបត្តិការរវាងគ្នា និងគ្នា តែប៉ុណ្ណោះទេ ថែមទាំងបានក្លាយជាកម្មវិធីមនុស្សធម៌ដ៏ប្រពៃផងដែរ។ ជាក់ស្តែង ការប្រកួតមិត្តភាពរវាង «ក្រុម ស.ស.យ.ក. អលស្តារ» ជាមួយ «ក្រុមផ្ការីកគ្រប់រដូវ» នាថ្ងៃនេះជាការប្រកួតដែលបានចូលរួមរៃអង្គាសថវិកាសម្រាប់បរិច្ចាគជូនដល់មន្ទីរពេទ្យកុមារនានានៅកម្ពុជា ដែលកំពុងមានការខ្វះខាត។ នេះជាការលើឡើងរបស់ឯកឧត្តម ហ៊ុន ម៉ានី ប្រធានសហពភាសហព័ន្ធយុវជនកម្ពុជា នៅក្នុងពិធិបើកជាផ្លូវការនេះ ធ្វើឡើងនៅល្ងាចថ្ងៃទី០៩ មិថុនា ២០២៤ នៅពហុកីឡដ្ឋានជាតិអូឡាំពិក។
ព្រឹត្តិការណ៍ប្រកួតកីឡាបាល់ទាត់ពានរង្វាន់ Soccer League លើកទី៧ ឆ្នាំ២០២៤ បានប្រកាសបើកជាផ្លូវការ ក្រោមអធិបតីភាពឯកត្តមមណ្ឌិតសភាចរ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអបរំយុវជន និងកីឡា ឯកឧត្តម ហ៊ុន ម៉ានី ប្រធានសហពភាសហព័ន្ធយុវជនកម្ពុជា ឯកឧត្តមអភិសន្តិបណ្ឌិត ស សុខា អនុប្រធានសហពភាសហព័ន្ធយុវជនកម្ពុជា និងជាប្រធានគណកម្មាធិការរៀបចំការប្រកួតបាល់ទាត់ពានរង្វាន់ Soccer League លើកទី៧ ឆ្នាំ២០២៤។
ថ្លែងក្នុងពិធីបើកឯកឧត្តម ហ៊ុន ម៉ានី ក៏បានលើកទឹកចិត្ត ដល់កីឡាករ កីឡាការិនី ដែលចូលរួមប្រកួត ត្រូវប្រកាន់ខ្ជាប់នូវវិធាន និងលក្ខន្តិកៈនៃការប្រកួត ក្នុងស្មារតីសប្បាយរីករាយ មិត្តភាព សាមគ្គីភាព ភារតភាពជាបងប្អូន និងស្មារតី អធ្យាស្រ័យគ្នា។ ទន្ទឹមនេះ ក៏សូមសូមអំពាវនាវដល់បងប្អូនប្រជាពលរដ្ឋខ្មែរ រួមទាំងសមាជិក សមាជិកា ស.ស.យ.ក. គ្រប់ៗរូប ចូលរួមលេងកីឡាឱ្យបានគ្រប់ៗគ្នា ដើម្បីសុខភាព និងសាមគ្គីភាព ព្រមទាំងបានចូលរួមជាមួយគ្នា តាមរយៈកីឡានេះ កើនបានជាផល ផ្តល់ជាប្រយោជន៍ជូនដល់សង្គមជាតិតាមលទ្ធភាពរៀងៗខ្លួន។
ឯកឧត្តម ហ៊ុន ម៉ានី ក៏បានកោតសសើរ និងវាយតម្លៃខ្ពស់ចំពោះឯកឧត្តមអភិសន្តិបណ្ឌិត ស សុខា អនុប្រធានសហពភាសហព័ន្ធយុវជនកម្ពុជា និងជាប្រធានគណកម្មាធិការរៀបចំការប្រកួត ឯកឧត្តម ខៀវ ភារិទ្ធ ជាប្រធានគណៈកម្មការប្រតិបត្តិរៀបចំការប្រកួត បាល់ទាត់ពានរង្វាន់ បាល់ទាត់ពានរង្វាន់ Soccer League លើកទី៧ ឆ្នាំ២០២៤ ដើម្បីផ្ដល់ឱកាសដល់យុវជនកម្ពុជា ក្នុងការជំរុញ និងរឹតចំណងមិត្តភាពសាមគ្គីភាព និងបង្កើនកិច្ចសហប្រតិបត្តិការនៅក្នុងវិស័យកីឡា។ លើកពីនេះ ឯកឧត្តម ថ្លែងអំណរគុណដល់ឯកត្តមមណ្ឌិតសភាចរ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអបរំយុវជន និងកីឡា ដែលតែងតែចូលរួមសហការគាំទ្ររាល់កម្មវិធីប្រកួតកីឡារបស់សហពភាសហព័ន្ធយុវជនកម្ពុជា។
រំលឹកថា ព្រឹត្តិការណ៍ប្រកួតបាល់ទាត់ពានរង្វាន់ Soccer League លើកទី៧ ឆ្នាំ២០២៤ មិនត្រឹមជាវេទិកាផ្ដល់ឱកាសដល់កីឡាករគ្រប់រូប មកពីគ្រប់ស្ថាប័នរដ្ឋ និងឯកជនជុំវិញរាជធានី-ខេត្ត ដើម្បីមាន ឱកាសបញ្ចេញសមត្ថភាពនៅលើទីលានប្រកបដោយតម្លាភាពនោះទេ ប៉ុន្តែ Soccer League ក៏ជាព្រឹត្តិការណ៍មួយដែលបានចូលរួមចំណែកជាមួយរាជរដ្ឋាភិបាលកម្ពុជាក្នុងការបំផុសចលនាសាមគ្គីភាព រឹតចំណងមិត្តភាពរបស់យុវជននៅទូទាំងប្រទេស ជាពិសេសដើម្បីបង្កើតធនធានមនុស្សក្នុងវិស័យកីឡាបាល់ទាត់នៅ កម្ពុជា ឲ្យកាន់តែមានភាពរីកចម្រើន និងរឹងមាំ ដើម្បីជាថ្នាលឆ្ពោះទៅកាន់ថ្នាក់ជាតិ និងអន្តរជាតិ ក្រោមពាក្យ ស្លោកមួយគឺ «ស្មារតីសាមគ្គីភាព»។
ថ្ងៃបើកនៃព្រឹត្តិការណ៍បាល់ទាត់ពានរង្វាន់ Soccer League លើកទី៧ ឆ្នាំ២០២៤ គណៈកម្មការរៀបចំការប្រកួត បានផ្តួចផ្តើម រៀបចំការប្រកួតបាល់ទាត់មិត្តភាពសប្បុរសធម៌រវាងក្រុមបាល់ទាត់ ស.ស.យ.ក អលស្តារ និងក្រុមផ្ការីក គ្រប់រដូវ នាយពាក់មី ក្រោមមូលបទ “បេះដូងអ្នកកីឡា ដើម្បីកុមារកម្ពុជា”។ ជាលទ្ធផលក្រុមបាល់ទាត់ ស.ស.យ.ក អលស្តារ បានយកឈ្នះក្រុមផ្ការីក គ្រប់រដូវ នាយពាក់មី ក្នុងលទ្ធផល ៣-២។
គួរបញ្ជាក់ថា ព្រឹត្តិការណ៍ការប្រកួតបាល់ទាត់ពានរង្វាន់ Soccer League ត្រូវបានរៀបចំឡើងចំនួន ០៦លើក រួចមកហើយ គិតចាប់ពីឆ្នាំ២០១២ មកម្លេះ ដែលឆ្នាំ២០២៤នេះ គឺជាលើកទី៧ហើយ ក្នុងនោះរួមមាន៖
ឆ្នាំ២០១២ ទទួលបាន ៣២ក្រុម
ឆ្នាំ២០១៣ ទទួលបាន ៤០ក្រុម
ឆ្នាំ២០១៤ ទទួលបាន ៣២ក្រុម
ឆ្នាំ២០១៥ ទទួលបាន ៤៩ក្រុម
ឆ្នាំ២០១៦ ទទួលបាន ៦០ក្រុម
ឆ្នាំ ២០១៩ ទទួលបាន ៦០ក្រុម
ឆ្នាំ២០២៣ ទទួលបាន ៧៤ក្រុម (ស្រី ១០ក្រុម)
ដោយឡែកសម្រាប់ឆ្នាំ ២០២៤ ទទួលបាន ៦១ក្រុម ក្នុងនោះ ក្រុមបុរសមានចំនួន ៤៨ក្រុម និងក្រុមនារីមានចំនួន ១៣ក្រុម ។ ការចែកពូលរបស់ក្រុមនារី គឺត្រូវបានបែងចែកចេញជា ៤ពូល ក្នុងនោះមាន A, B, C, និងD ដែលមានសរុបទាំងអស់ ២៣ប្រកួត ។ ដោយ ពូល A មានចំនួន ៤ក្រុម ខណៈពូល B, C និងD មានចំនួន ៣ក្រុម។
ចំណែកការចែកពូលរបស់ក្រុមបុរសវិញ ត្រូវបានបែងចែកចេញជា ១៦ពូល មានពីពូល A ដល់ពូល P មានសរុបទាំងអស់ចំនួន ៦៤ ប្រកួត ។ នៅក្នុងពូលនីមួយៗមានការបែងចែកជា ៣ក្រុម ។ ការប្រកួតផ្នែកបុរស និងផ្នែកនារីនេះត្រូវបានធ្វើឡើងដំណើរគ្នាចាប់ពីថ្ងៃទី១០ ខែមិថុនា ឆ្នាំ២០២៤នេះតទៅ នៅទីលានវិទ្យាល័យបឹង ត្របែក ទីលាន AUPP វិទ្យាស្ថាន NIPEC (នារី), កីឡដ្ឋានភ្នំពេញក្រោន (RSN) កីឡាដ្ឋាន ISI ដង្កោសែនជ័យ និងពហុកីដ្ឋានជាតិអូឡាំពិក៕
