ក្រោយធ្វើការប្រកួតយ៉ាស្វិតស្វាញអស់រយ:ពេលជាងមួយខែរួមមក ពេលនេះបានរកឃើញក្រុមខ្លាំងទាំង២ គឺ ក្លឹបបាល់ទាត់ភ្នំពេញក្រោន នឹងត្រូវជួបក្រុម សុភីណា អេហ្វស៊ី នៅវគ្គផ្ដាច់ព្រ័ត្រ នៃពានរង្វាន់បាល់ទាត់ Soccer League លើកទី៧ ឆ្នាំ២០២៤ ។
សម្រាប់វគ្គកណ្ដាលផ្ដាច់ព្រ័ត្រផ្នែកនារី ក្លឹបបាល់ទាត់ភ្នំពេញក្រោន បានយកឈ្នះក្លឹបបាល់ទាត់ ណាហ្គាវើលដ៍ ក្នុងលទ្ធផល ១ទល់និង០ ខណ:ក្រុមបាល់ទាត់នារី សុភីណា អេហ្វស៊ី បានយកឈ្នះក្រុមយុវតីស្ទាំងភ្លើងក្មេងវត្តក្តីចាស់។ ដូចនេះ ក្រុមដែលឈ្នះទាំង ២នឹងត្រូវឡើងទៅជួបគ្នានៅវគ្គផ្ដាច់ព្រ័ត្រ។
ដោយឡែកសម្រាប់ផ្នែកបុរសវិញ គឺក្រុមបាល់ទាត់ KHMER UNITED ដឹកដៃក្រុមបាល់ទាត់ TOFU ARMY FT ឡើងទៅកាន់វគ្គផ្ដាច់ព្រ័ត្រ បាល់ទាត់ពានរង្វាន់ Soccer League លើកទី៧ ឆ្នាំ២០២៤។
តាមការគ្រោងទុកសម្រាប់ការប្រកួតនៅវគ្គផ្ដាច់ព្រ័ត្រទាំង ផ្នែកនារី និងផ្នែកបុរស នឹងត្រូវធ្វើឡើងនៅថ្ងៃទី៩ ខែកក្កដា ឆ្នាំ២០២៤ នៅក្នុងពហុកីឡដ្ឋានជាតិអូឡាំពិក។
ពានរង្វាន់ Soccer League លើកទី៧ ឆ្នាំ២០២៤ របស់ក្រុមនារី គឺត្រូវបានបែងចែកចេញជា ៤ពូល ក្នុងនោះមាន A, B, C, និងD ដែលមានសរុបទាំងអស់ ២៣ប្រកួត ។ ដោយ ពូល A មានចំនួន ៤ក្រុម ខណៈពូល B, C និងD មានចំនួន ៣ក្រុម ។
ការប្រកួតល់ទាត់ផ្នែកបុរស និងផ្នែកនារីពានរង្វាន់ Soccer League លើកទី៧ ឆ្នាំ២០២៤ ត្រូវបានធ្វើឡើងចាប់ពីថ្ងៃទី១០ ខែមិថុនា ឆ្នាំ២០២៤ នៅទីលានវិទ្យាល័យបឹង ត្របែក ទីលាន AUPP វិទ្យាស្ថាន NIPEC (នារី), កីឡដ្ឋានភ្នំពេញក្រោន (RSN) កីឡាដ្ឋាន ISI ដង្កោសែនជ័យ និងពហុកីដ្ឋានជាតិអូឡាំពិក៕
