ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តី ក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអ៉ីងកម្ពុជា កាលពីថ្ងៃទី០៤ ខែកក្កដា ឆ្នាំ២០២៤ បានចូលរួមអបអរសាទរ ចំពោះក្រុមកីឡាករទូកកានូកម្ពុជា ដែលដណ្តើមបានមេដាយសំរិទ្ធ ០១គ្រឿង បន្ថែមទៀត នៅវៀតណាម។
មេដាយទី៣នេះ ដែលក្រុមកីឡាករទូកកានូកម្ពុជា លើវិញ្ញាសា C2 ចម្ងាយ ១ ០០០ម៉ែត្រ បុរស ពីព្រឹត្តិការណ៍ប្រកួតកីឡាទូកកានូ ជ្រើសរើសជើងឯកអាស៉ីអាគ្នេយ៍ នៅប្រទេសវៀតណាម។
សម្រាប់មេដាយទី១ ក្រុមកីឡាទូកនាគកម្ពុជា ដណ្តើមបានមេដាយមាស ចំនួន ១គ្រឿង លើវិញ្ញាសាចម្តាយ ២ ០០០ម៉ែត្រ និងទី២ ក្រុមកីឡាទូកនាគកម្ពុជា ដណ្ដើមបានមេដាយសំរឹទ្ធ ចំនួន ២គ្រឿង លើវិញ្ញាសាចម្ងាយ ២០០ម៉ែត្រ និងចម្ងាយ ៥០០ម៉ែត្រ ក្នុងការចូលរួមប្រកួតក្នុងព្រឹត្តិការណ៍កីឡាទូកនាគអន្តរជាតិ (International Dragon Boat Festival) ឆ្នាំ២០២៤ នៅប្រទេសនៅរុស្ស៊ី។
គួរបញ្ជាក់ថា កាលពីថ្ងៃទី០១ ខែកក្កដា ឆ្នាំ២០២៤ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអ៉ីងកម្ពុជា បានចាត់បញ្ជូន គ្រូបង្វឹក០២រូប កីឡាករ ០២រូប និងកីឡាការិនី០១រូប ទៅចូលរួមប្រកួតក្នុងព្រឹត្តិការណ៍ The South East Asian Senior, U23 and Junior Canoe Sprint Championships ដែលប្រព្រឹត្តទៅចាប់ពីថ្ងៃទី០២ ដល់ថ្ងៃទី០៧ ខែកក្កដា ឆ្នាំ២០២៤ នៅខេត្តហៃផុង ប្រទេសវៀតណាម៕
