អ្នកមេម៉ាយសាច់សខ្ចី ភិន សុដាលីស ហាក់កំពុងតែសប្បាយរីករាយនឹងជីវិត ជាពិសេសចាយសម្រស់បង្អួតភ្នែកសាធារណជននៅតាមបណ្ដាញសង្គមមិនខ្លាចក្រែងរអែងចិត្តអ្នកណាមកប្រច័ណ្ឌខ្វល់ខ្វាយនាំហ្មងសៅចិត្ត រហូតទទួលបានការសរសើរ។
អ្នកមេម៉ាយឧស្សាហ៍តុបតែងខ្លួនស្អាតរូបនេះបានពោលទទួលស្គាល់ថាសព្វថ្ងៃខ្លួនមានអាយុច្រើន ប៉ុន្តែខ្លួនពេញចិត្តនូវដែលខ្លួនមាន និងអ្វីដែលជារបស់ខ្លួន៖
« អាយុកាន់តែច្រើនអ្នកកាន់តែពេញចិត្តចំពោះអ្វីគ្រប់យ៉ាងដែលអ្នកមាន។ អ្នកមិនកំពុងរស់នៅល្អឥតខ្ចោះនោះទេប៉ុន្តែមានរឿងស្រស់ស្អាតជាច្រើនដែលត្រូវដឹងគុណ។ ឧទាហរណ៍ងាយងាយដូចជា: ថ្ងៃរះនិងថ្ងៃលិចគឺជាសម្រស់ដ៏ស្រស់ស្អាត។ រសជាតិកាហ្វេដែលអ្នកប្រាថ្នាចង់បានជារៀងរាល់ព្រឹកគឺមិនអាចកាត់ថ្លៃបាន។អ្នកមិនមានអ្វីគ្រប់យ៉ាងនៅក្នុងជីវិតរបស់អ្នកទេប៉ុន្តែអ្នករកឃើញការស្កប់ចិត្តនិងភាពស្ងប់ក្នុងចិត្តហើយខ្ញុំគិតថានោះសំខាន់បំផុត៕ »
ការលើកឡើងរបស់ស្រីស្រស់រូបនេះត្រូវបានអ្នកគាំទ្រពោលសរសើរគ្រប់ៗគ្នា ថែមទាំងមានអ្នកគាំទ្រខ្លះនិយាយថាអ្វីដែលតារាស្រីរូបនេះលើកឡើងពិតជាត្រឹមត្រូវណាស់។ យ៉ាងណាមិញក្នុងចំណោមនោះក៏មានអ្នកមួយចំនួនបានពោលពាក្យលែបខាយដែរថា «អ្នកមេម៉ាយឡូវតាលុកតាលន់ណាស់វេស!ក្រមុំមិនដូរ!» និង «អ្នកមេម៉ាយត្រូវប៉ាន់បង» ជាដើម ។ល។
