ការប្រកួតបាល់ទាត់ពានរង្វាន់ Soccer League លើកទី៧ ឆ្នាំ២០២៤ កៀកជិតដល់ថ្ងៃផ្តាច់ព្រ័ត្រហើយ សម្រាប់ពុកម៉ែ បងប្អូនអាចមកចូលរួមទស្សនាការប្រកួតនៅវគ្គផ្ដាច់ព្រ័ត្រ រវាង​ក្រុមបាល់ទាត់ KHMER UNITED ប៉ះ ​ក្រុមបាល់ទាត់ TOFU ARMY FT នៅពហុកីឡដ្ឋានជាតិអូឡាំពិក ចាប់ពីម៉ោង ៣:២០នាទីល្ងាចតទៅ។

នៅក្នុងថ្ងៃប្រកួតផ្ដាច់ព្រ័ត្រ និងបិទ ដែលនឹងប្រព្រឹត្តិឡើងនៅក្នុងថ្ងៃទី 0៩ ខែកក្កដា ខាងមុខនេះ ដោយមានការប្រកួតផ្តាច់ព្រ័ត្រក្រុមចុងក្រោយរួមទាំងមានការសម្តែងពីសិល្បៈករ សិល្បៈការិនី ជាច្រើនរូបផងដែរ ត្រៀម ត្រៀម ពុកម៉ែ បងប្អូន កុំឲរំលងព្រឹត្តិការណ៍ដ៏អស្ចារ្យនេះ។

ដោយឡែក​សម្រាប់​ ក្រុម​បាល់ទាត់​ផ្នែក​នារី គឺក្លិបបាល់ទាត់ភ្នំពេញក្រោន ក្លាយជាម្ចាស់ជើងឯក Soccer League លើកទី៧ បន្ទាប់​ពី​យក​ឈ្នះ​ក្រុម សុភីណា អេហ្វស៊ី នៅវគ្គ​ផ្ដាច់​ព្រ័ត្រ នៅពហុកីឡដ្ឋានជាតិអូឡាំពិក កាលពីថ្ងៃទី៥ កក្កដា កន្លងទៅ។​

ពានរង្វាន់ Soccer League លើក​ទី៧ ឆ្នាំ២០២៤ ផ្នែក​បុរស​មាន​ចំនួន ៤៨​ក្រុម ត្រូវបាន​បែង​ចែក​ចេញជា ១៦ពូល មានពីពូល A ដល់ពូល P មានសរុបទាំងអស់ចំនួន ៦៤ ប្រកួត ។ នៅក្នុង​ពូលនី​មួយៗ​មានការបែងចែកជា ៣ក្រុម ។

ការ​ប្រកួត​ល់ទាត់ផ្នែកបុរសពានរង្វាន់ Soccer League លើក​ទី៧ ឆ្នាំ២០២៤ ត្រូវបានធ្វើ​ឡើងចាប់ពីថ្ងៃទី១០ ខែមិថុនា ឆ្នាំ២០២៤ នៅទីលានវិទ្យាល័យបឹង ត្របែក ទីលាន AUPP វិទ្យាស្ថាន NIPEC (នារី), កីឡ​ដ្ឋាន​ភ្នំពេញ​ក្រោន (RSN) កីឡាដ្ឋាន ISI ដង្កោសែនជ័យ និងពហុកីដ្ឋានជាតិអូឡាំពិក៕

Share.