ពានរង្វាន់លីគយុវជនក្រោមអាយុ១៩ឆ្នាំ (Cambodian Youth League 2024) បានបញ្ចប់ជុំទី១ហើយ ស្របពេលដែលក្លិបបាល់ទាត់វិសាខា ឈរកំពូលតារាង ក្នុងចំណោមសមាជិកទាំង១០ក្រុម ព្រមទាំងក្លាយជាក្រុមមុនគេដែលដាក់កីឡាករឱ្យចូលប្រកួតបានគ្រប់គ្នា។

- វិសាខា៖ ចុះឈ្មោះ២៣នាក់ បានចូលប្រកួតគ្រប់គ្នា
- ISI ដង្កោសែនជ័យ៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ២នាក់
- ព្រះខ័នរាជស្វាយរៀង៖ ចុះឈ្មោះ២៥នាក់ សល់កីឡាករមិនទាន់បានប្រកួតសោះ ២នាក់
- បឹងកេត៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៣នាក់
- ភ្នំពេញក្រោន៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៣នាក់
- សាលាតម្រង់ទិសភ្នំពេញ៖ ចុះឈ្មោះ២៦នាក់ សល់កីឡាករមិនទាន់បានប្រកួតសោះ ៤នាក់
- ណាហ្គាវើលដ៍៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៤នាក់
- Tiffy Army FC៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៦នាក់
- សាលាបាល់ទាត់ជាតិបាទី៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៨នាក់
- អង្គរថាយហ្គឺរ៖ ចុះឈ្មោះ៣០នាក់ សល់កីឡាករមិនទាន់បានប្រកួតសោះ ៨នាក់

ចប់ជុំទី១នេះដែរក្រុមទាំង១០ទាត់បញ្ជូលទីគ្នាទៅមកចំនួន១៨៣គ្រាប់ដោយក្នុងនោះ៖
- វិសាខា៖ ៣៨គ្រាប់
- Tiffy Army FC៖ ២៨គ្រាប់
- ISI ដង្កោសែនជ័យ៖ ២៨គ្រាប់
- បឹងកេត៖ ២០គ្រាប់
- ណាហ្គាវើលដ៍៖១៦គ្រាប់
- ភ្នំពេញក្រោន៖ ១៥គ្រាប់
- ព្រះខ័នរាជស្វាយរៀង៖ ១៣គ្រាប់
- សាលាបាល់ទាត់ជាតិបាទី៖ ១១គ្រាប់
- អង្គរថាយហ្គឺរ៖ ៨គ្រាប់
- សាលាតម្រង់ទិសភ្នំពេញ៖ ៦គ្រាប់

ក្រុមចប់ជុំទី១នេះដែរ ឃើញថាមានកំណត់ត្រាមួយចំនួនដូចជា៖
- កាតសរុប៖ ១៥៨សន្លឹក (ក្រហម១១សន្លឹក)
- អ្នកចាំទីរក្សា Clean Sheets៖ ១៣នាក់ រក្សាបាន២៧លើក
- អ្នកគាំទ្រចូលទស្សនា៖ ៩០៤៩នាក់
- MVP៖ កីឡាករ២៣នាក់ ឈ្នះ MVP ៤៣លើក
- អាជ្ញាកណ្ដាល៖ ២៦នាក់ ដឹកនាំការប្រកួត៤៣លើក ចាយកាត១៥៨សន្លឹក

នេះជាឆ្នាំដំបូងហើយដែលសហព័ន្ធកីឡាបាល់ទាត់កម្ពុជា (ស.ប.ក) រៀបចំពានរង្វាន់លីគយុវជនក្រោមអាយុ១៩ឆ្នាំឡើង ស្របពេលដែលមានក្រុមចូលរួមចំនួន១០ក្រុមត្រូវប្រកួតប្រជែងពីថ្ងៃទី១៥ ខែឧសភា ដល់ថ្ងៃទី៣ខែវិច្ឆិកា ឆ្នាំ២០២៤ ដោយតម្រូវឲ្យក្រុមទាំងអស់ប្រកួតគ្នាចំនួន២ជុំ ហើយក្រុមមានពិន្ទុខ្ពស់ជាងគេចំនួន៤មានឈ្មោះឡើងទៅប្រកួតវគ្គពាក់កណ្តាលផ្ដាច់ព្រ័ត្រ ដោយក្នុងនោះ៖
- ២០ តុលា ២៤៖ ក្រុមលេខ៣ ប៉ះក្រុមលេខ៤
- ២៧ តុលា ២៤៖ ក្រុមលេខ២ ប៉ះអ្នកឈ្នះ រវាងលេខ៣ ឬលេខ៤
ចំណែកវគ្គផ្ដាច់ព្រ័ត្រ៖ - ៣ វិច្ឆិកា ២៤៖ ក្រុមលេខ១ ប៉ះអ្នកឈ្នះរវាងក្រុមលេខ២ ប៉ះលេខ៣ឬលេខ៤

