ក្រុមបាល់ទាត់បុរសជម្រើសជាតិជប៉ុនស្ថិតនៅពូល D ជាមួយ ប៉ារ៉ាហ្គាយ ម៉ាលី និងអ៊ីស្រាអែល ក្នុងការប្រកួតក្នុងព្រឹត្តិការណ៍ ប្រកួតកីឡាអូឡាំពិករដូវក្ដៅ 2024 Summer Olympics ក្នុងនោះមានក្រុមចំនួន ១៦ប្រទេសចូលរួម ដែលគ្រោងនឹងចាប់ផ្ដើមប្រកួតចាប់ពីថ្ងៃទី២៤ កក្កដា រហូតដល់ថ្ងៃទី១០ សីហា ២០២៤។
ក្នុងចំណោមប្រទេសដែលបានចូលរួមចំនួន ១៦ត្រូវបានបែងចែកជា ៤ពូលរូមមាន៖
ពូលA មាន៖ ម្ចាស់ផ្ទះបារាំង អាមេរិក ហ្គីណេ និងនូវែលសេឡង់
ពូល B មាន៖ អាហ្សង់ទីន ម៉ារ៉ុក អ៊ីរ៉ាក់ និងអ៊ុយក្រែន
ពូល C មាន៖ អ៊ូសបេគីស្ថាន អេស្ប៉ាញ អេហ្ស៊ីប និងសាធារណរដ្ឋដូមីនីកែន
ពូល D មាន៖ ជប៉ុន ប៉ារ៉ាហ្គាយ ម៉ាលី និងអ៊ីស្រាអែល
ការប្រកួតនឹងធ្វើឡើងមុនពិធីបើកជាផ្លូវការពោលគឺនៅថ្ងៃទី២៤ ដែលជាការប្រកួតជម្រុះក្នុងពូលដើម្បីរកក្រុមលេខ១ និងលេខ២ ឡើងទៅកាន់វគ្គ ៨ក្រុម ប្រកួតថ្ងៃទី២ សីហា ខណ:វគ្គពាក់ ប្រកួតនៅថ្ងៃទី៥ សីហា ប្រកួតចំណាត់ថ្នាក់លេខ៣ នៅថ្ងៃទី៨ សីហា និងវគ្គផ្ដាច់ព្រ័ត្រ ប្រកួតនៅថ្ងៃទី៩ សីហា ២០២៤។
រំលឹកថា ក្នុងការចូលរួមប្រកួតប្រជែងរបស់ក្រុមបាល់ទាត់បុរស់ជប៉ុន ក្នុងការកីឡាអូឡាំពិករដូវក្ដៅ កន្លងមកដែលឆ្នះមេដាយមាស ពោលគឺធ្លាប់ឈ្នះមេដាយសំរឺទ្ធបាន ១លើកនៅឆ្នាំ ១៩៦៨ និងទទួលបានចំណាត់ថ្នាក់លេខ៤ ចំនួន ២លើកនៅឆ្នាំ២០១២ និង២០២០។
គួរបញ្ជាក់ថា ការប្រកួតកីឡាអូឡាំពិករដូវក្ដៅ រៀបចំឡើងរាល់៤ឆ្នាំម្តង។ នេះគឺការប្រកួតលើកទី៣៣ហើយ ដែលនឹងត្រូវធ្វើឡើងនៅទីក្រុងប៉ារីស ប្រទេសបារាំង គ្រោងដំណើរការពិធីបើកនៅថ្ងៃទី២៦ ខែកក្កដា និងគ្រោងធ្វើពិធីបិទបញ្ចប់នៅថ្ងៃទី១១ សីហា ឆ្នាំ២០២៤ ដែលគ្រោងដាក់កីឡាចំនួន៣២ប្រភេទកីឡា មាន ៣២៩វិញ្ញាសា អោយអត្តពលិកប្រមាណ ១០,៥០០នាក់ចូលរួមប្រកួតប្រជែង៕
