ក្រុមជម្រើសជាតិអាយុក្រោម១៩ឆ្នាំ ម៉ាឡេស៊ី និងត្រូវជួបថៃ ដើម្បីដណ្ដើមកៅអីលេខ១ ក្នុងពូល ដើម្បីសម្រេចថានឹងត្រូវជួបក្រុមមួយណារវាងក្រុមលេខ១ ក្នុងពូល A និងពូល B នៅវគ្គពាក់កណ្ដាលផ្ដាច់ព្រ័ត្រ នៃពានរង្វាន់បាល់ទាត់ ប្រចាំតំបន់អាស៊ាន ASEAN U19 Boy’s Championship 2024។
ក្រុមជម្រើសជាតិអាយុក្រោម១៩ឆ្នាំ អូស្ត្រាលី ឈរលេខ១ ក្នុងពូល B និងឥណ្ឌូនេស៊ី ឈរលេខ១ ក្នុងពូល A ខណ:ថៃ ម៉ាឡេស៊ី នៅសល់មួយប្រកួតក្នុងដៃទៀតដែលត្រូវប៉ះគ្នានៅថ្ងៃទី២៥ កក្កដា នេះ ដើម្បីសម្រេចចំណាត់ថ្នាក់លេខ១ ក្នុងពូល និងក្រុមលេខ២ ល្អ ក្នុងនោះក្រុមឈ្នះនឹងត្រូវឡើងឈរលេខ១ ក្នុងពូល C ដោយត្រូវជួបក្រុមលេខ១ ពូល A ក្រុមចាញ់ នឹងត្រូវជួបក្រុមលេខ១ ពូល B។
- ម៉ាឡេស៊ី ប៉ះ ថៃ វេលាម៉ោង ៣:០០នាទីរសៀល
- សិង្ហបុរី ប៉ះ ប្រ៊ុយណេ វេលាម៉ោង ៣:០០នាទីរសៀល
តារាចំណាត់ថ្នាក់ពូ C បច្ចុប្បន្ន៖
១. ម៉ាឡេស៊ី ឆ្លងកាត់ ២ប្រកួត ឈ្នះ២ មាន ៦ពិន្ទុ
២. ថៃ ឆ្លងកាត់ ២ប្រកួត ឈ្នះ២ មាន ៦ពិន្ទុ
៣. សិង្ហបុរី ឆ្លងកាត់ ២ប្រកួត ចាញ់២ មាន ០ពិន្ទុ
៤. ប្រ៊ុយណេ ឆ្លងកាត់ ២ប្រកួត ចាញ់២ មាន ០ពិន្ទុ
កម្មវិធីប្រកួតវគ្គពាក់កណ្ដាលផ្ដាច់ព្រ័ត្រ នឹងធ្វើឡើងនៅថ្ងៃទី២៧ កក្កដា ២០២៤៖
- អូស្រ្តាលី ប៉ះ ថៃ/ម៉ាឡេស៊ី
- ឥណ្ឌូនេស៊ី ប៉ះ ថៃ/ម៉ាឡេស៊ី
ព្រឹត្តិការណ៍ពានរង្វាន់បាល់ទាត់ប្រចាំតំបន់អាស៊ាន ASEAN U19 Boys’ Championship 2024 ដែលប្រទេសឥណ្ឌូនេស៊ី ជាម្ចាស់ផ្ទះ បានចាប់ផ្តើមការប្រកួតចាប់ពីថ្ងៃទី១៧ ដល់ថ្ងៃទី២៩ ខែកក្កដា ឆ្នាំ២០២៤។
គួរឱ្យដឹងថា ពានរង្វាន់បាល់ទាត់ប្រចាំតំបន់អាស៊ាន ASEAN U19 Boys’ Championship 2024 ត្រូវបានបង្តើតឡើងតាំងពីឆ្នាំ២០០២ ដោយឆ្នាំនោះកម្ពុជា ជាម្ចាស់ផ្ទះ ហើយប្រទេសដែលទទួលរៀបចំជាម្ចាស់ផ្ទះបានច្រើនជាងគេ គឺវៀតណាម ចំនួន៨លើក ខណៈក្រុមដែលឈ្នះជើងឯកច្រើនជាងគេគឺប្រទេសថៃ និងអូស្ត្រាលី ចំនួន៥លើកដូចគ្នា៕
