បើតាមការជូនដំណឹងរបស់គណៈកម្មាការប្រកួតបាល់ទាត់ជាតិកម្ពុជា ហៅកាត់ថា CNCC បានបញ្ជាក់នៅរសៀលថ្ងៃអង្គារ ទី៧ ខែតុលា ឆ្នាំ២០២១ នេះថាការប្រកួតរវាងក្រុមខេត្តព្រៃវែង ជាមួយណាហ្គាវើល ក្នុងពានរង្វាន់មិត្តហ្វូនខេមបូឌានលីគ ឆ្នាំ២០២១ ប្រចាំសប្ដាហ៍ទី១២ នេះត្រូវបានលើកពេលព្រោះមានពាក់ព័ន្ធនឹងកូវីដ-១៩។
«ការប្រកួតសប្តាហ៍ទី១២ រវាងក្លិបបាល់ទាត់ ខេត្តព្រៃវែង ជាមួយណាហ្គាវើល ត្រូវពន្យាការប្រកួតជាណ្តោះអាសន្នសិន ដោយមូលហេតុការសង្ស័យលើមន្រ្តីរបស់ក្លិបណាហ្គាវើល ពាក់ព័ន្ធនឹងជំងឺកូវីដ-១៩ ហើយនៅថ្ងៃ ០៧/០៩/២១ មន្រ្តីរូបនេះបានធ្វើតេស្តរហ័ស ដែលលទ្ធផលតេស្តគឺ វិជ្ជមាន។ ជាមួយគ្នានេះផងដែរសំណាករបស់មន្រ្តីរូបនេះត្រូវបានបន្តយកទៅធ្វើតេស្ត PCR។ ដូច្នេះមន្ត្រី និងកីឡាករដ៏ទៃទៀតដែល (អវិជ្ជមាន) ត្រូវរង់ចាំលទ្ធផលវិភាគបញ្ជាក់របស់មន្ត្រីខាងលើសិន»។ CNCC បញ្ជាក់។
តាមគម្រោងគូប្រកួតនេះត្រូវដំណើរការនៅវេលាម៉ោង៣:៣០នាទីរសៀល ថ្ងៃពុធ ទី៨ ខែកញ្ញា ឆ្នាំ២០២១ ប៉ុន្តែត្រូវបានលើកពេល នឹងមិនទាន់បានកំណត់ពេលវេលាថ្មីនៅឡើយនោះទេ៕
ខាងក្រោមជាកម្មវិធីប្រកួតបន្ទាប់ពាក់កណ្ដាលសប្ដាហ៍នេះ៖
រូបថត៖CNCC
