សហព័ន្ធកីឡាបាល់ទាត់ស្រីលង្កា (FFSL) បានផ្តល់សញ្ជាតិស្រីលង្កា ឱ្យកីឡាករ២នាក់ ដើម្បីចូលរួមជាមួយក្រុមបាល់ទាត់ជម្រើសជាតិស្រីលង្កា ត្រៀមសម្រាប់វគ្គជម្រុះនៃពានរង្វាន់ AFC Asian Cup Saudi Arabia 2027។
- កីឡាករ Samuel Joseph David Durrant កើតនៅថ្ងៃទី១៦ ខែកុម្ភៈ ឆ្នាំ២០០២ ប្រទេសអង់គ្លេស បច្ចុប្បន្នមានវ័យ២២ឆ្នាំ កម្ពស់ ១.៧៨ម៉ែត្រ លេងតួនាទីជាខ្សែប្រយុទ្ធស្លាបឆ្វេង។
- កីឡាករ Wade Dekker ថ្ងៃទី២១ ខែមេសា ឆ្នាំ១៩៩៤ នៅទីក្រុង Melbourne ប្រទេសអូស្ត្រាលី បច្ចុប្បន្នមានវ័យ៣០ឆ្នាំ កម្ពស់ ១.៨២ម៉ែត្រ លេងតួនាទីជាខ្សែប្រយុទ្ធ។
ចំពោះប្រវត្តិជួបគ្នា៣លើកចុងក្រោយរវាងក្រុមគោរព្រៃកម្ពុជា ទល់នឹងក្រុមស្រីលង្កា មុនក្រុមទាំងពីរប៉ះគ្នានៅដើមខែកញ្ញា ឆ្នាំ២០២៤ ខាងមុខ។
- នៅថ្ងៃទី២២ ខែសីហា ឆ្នាំ១៩៧២ កម្ពុជា ៦-១ស្រីលង្កា ក្នុងបានរង្វាន់ Merdeka Tournament វគ្គសន្សំពិន្ទុក្នុងពូល
- នៅថ្ងៃទី២៨ ខែមីនា ឆ្នាំ២០០១ កម្ពុជា ០-១ ស្រីលង្កា ក្នុងការប្រកួតមិត្តភាពអន្តជាតិ
- នៅថ្ងៃទី៩ ខែតុលា ឆ្នាំ២០១៦ កម្ពុជា ៤-០ ស្រីលង្កា ក្នុងការប្រកួតមិត្តភាពអន្តជាតិ។
កម្មវិធីប្រកួតរវាងកម្ពុជា ទល់នឹងស្រីលង្កា ធ្វើឡើងចំនួន២ជើង៖
- ជើងទី១ នៅថ្ងៃទី៥ ខែកញ្ញា ឆ្នាំ២០២៤ ស្រីលង្កា ប៉ះកម្ពុជា នៅកីឡដ្ឋាន Sugathadasa នៅស្រីលង្កា
- ជើងទី២ នៅថ្ងៃទី១០ ខែកញ្ញា ឆ្នាំ២០២៤ កម្ពុជា ប៉ះស្រីលង្កា នៅពហុកីឡដា្ឋនជាតិ រាជធានីភ្នំពេញ។
ជាមួយគ្នានេះក្រុមជម្រើសជាតិម៉ុងហ្គោលី ប៉ះទីម័រខាងកើត ខណៈម៉ាកាវ ប៉ះប្រ៊ុយណេ។ ក្រុមចំនួន៣ដែលទទួលបានជ័យជម្នះនឹងឡើងទៅជម្រុះជុំទី៣ (វគ្គជម្រុះក្នុងពូល) ដែលមាន១៩ប្រទេសដើម្បីប្រកួតប្រជែងគ្នាយក៦ក្រុមឡើងទៅជុំផ្តាច់ព្រ័ត្រ 2027 AFC Asian Cup នៅប្រទេសអារ៉ាប៊ីសាអ៊ូឌីតជាម្ចាស់ផ្ទះ៕
