អាមេរិក ជាប់ចំណាត់ថ្នាក់លេខ១ ឈ្នះមេដាយច្រើនជាងគេប្រកួតកីឡាអូឡាំពិក នៅ​ទីក្រុង​ប៉ារីស

សហរដ្ឋអាមេរិក ជាប្រទេសដណ្ដើមបានមេដាយ ច្រើនជាងគេ និងសរុបលើស១០០មេដាយគឺ ១២៦គ្រឿង តាមពីក្រោយដោយប្រទេសចិន និងជប៉ុន ក្នុងព្រឹត្តិការណ៍ប្រកួតកីឡាអូឡាំពិករដូវក្ដៅឆ្នាំ២០២៤ នៅទីក្រុងប៉ារីស ប្រទេសបារាំង ក្រោយពេលបិទបញ្ចប់កាលទីរាត្រីថ្ងៃទី១១ ខែសីហា ឆ្នាំ២០២៤។

តារាងមេដាយ Top 10 ក្នុងព្រឹត្តិការណ៍ប្រកួតកីឡាអូឡាំពិករដូវក្ដៅឆ្នាំ២០២៤ នៅទីក្រុងប៉ារីស ប្រទេសបារាំង ក្រោយពេលបិទបញ្ចប់ ៖

ចំណាត់ថ្នាក់	ប្រទេស	មេដាយមាស	មេដាយប្រាក់	មេដាយសំរឺទ្ធ	មេដាយសរុប
១	អាមេរិក	៤០	៤៤	៤២	១២៦
២	ចិន	៤០	២៧	២៤	៩១
៣	ជប៉ុន	២០	១២	១៣	៤៥
៤	អូស្ត្រាលី	១៨	១៩	១៦	៥៣
៥	បារាំង	១៦	២៦	២២	៦៤
៦	ហូឡង់	១៥	៧	១២	៣៤
៧	ចក្រភពអង់គ្លេស	១៤	២២	២៩	៦៥
៨	កូរ៉េខាងត្បូង	១៣	៩	១០	៣២
៩	អ៊ីតាលី	១២	១៣	១៥	៤០
១០	អាល្លឺម៉ង់	១២	១៣	៨	៣៣

សហរដ្ឋអាមេរិក បានបញ្ជូនអត្តពលិករបស់ខ្លួនទៅប្រកួតក្នុងព្រឹត្តិការណ៍ប្រកួតកីឡាអូឡាំពិករដូវក្ដៅឆ្នាំ ២០២៤ នៅទីក្រុងប៉ារីស ប្រទេសបារាំង មានចំនួន ៥៩២នាក់ (ប្រុស ២៧៨នាក់ ស្រី ៣១៤នាក់) នឹងបានចូលរួមប្រកួតក្នុង ៣៤ប្រភេទកីឡា។ ជាលទ្ធផលអាមេរិក ឈ្នះបានមេដាយច្រើនជាងប្រទេសណាទាំងអស់ ដោយឈ្នះមេដាយមាស ៤០គ្រឿង ប្រាក់ ៤៤គ្រឿង និងសំរឺទ្ធ ៤២គ្រឿង សរុបចំនួន ១២៦គ្រឿង។

ការប្រកួតកីឡាអូឡាំពិករដូវក្ដៅ រៀបចំឡើងរាល់៤ឆ្នាំម្តង ដោយលើកទី៣៣នេះធ្វើឡើងនៅទីក្រុងប៉ារីស ប្រទេសបារាំង ចាប់ផ្តើមពីថ្ងៃទី២៦ ខែកក្កដា រហូតដល់ថ្ងៃទី១១ សីហា ឆ្នាំ២០២៤ កីឡាចំនួន៣២ មាន៣២៩វិញ្ញាសា អោយអត្តពលិកប្រមាណ ១០,៥០០នាក់ចូលរួមប្រកួតប្រជែង៕