ញាណ សុស៊ីដាន របស់ព្រះខ័នរាជស្វាយរៀង គឺជាកីឡាករមុនគេដែលបញ្ជូនបាល់ដល់មិត្តរួមក្រុម (Assist) ស៊ុតបញ្ជូលទីបាន ៣លើកមុនគេ នៅសប្ដាហ៍ដំបូង នៃពានរង្វាន់លីគកំពូលកម្ពុជា Cambodian Premier League រដូវកាល២០២៤-២៥។
ក្នុងចំណោមគ្រាប់បាល់ដែលស៊ុតចូលទី ដែលបញ្ជូនបាល់ដោយមិត្តរួមក្រុម (Assist) ចំនួន ១៤លើក គឺ ញាណ សុស៊ីដាន បានចំនួន ៣លើក ក្រៅពីនេះក៏មានកីឡាកររបស់ព្រះខ័នរាជស្វាយរៀង ៣រូបទៀតផងដែរគឺ ណារ៉ុង កក្កដា មិន រតន: កែម វ៉ាន់ដា បានចំនួន១លើកដូចគ្នា ខណ:ណាហ្គាវើលដ៍ ២លើក វិសាខា ១លើក ភ្នំពេញក្រោន ៣លើក ISI ១លើក និងអង្គរថាយហ្កឺរ ១លើក។
លើកពីនេះ ញាណ សុស៊ីដាន ក៏ជាឈ្នះជាកីឡាករល្អប្រចាំការប្រកួតផងដែរ ក្នុងជំនួនព្រះខ័នរាជស្វាយរៀង យកឈ្នះ Tiffy Army ក្នុងលទ្ធផល ៧ទល់និង០ សប្ដាហ៍ទី១ កាលពីថ្ងៃអាទិត្យ ទី១១ សីហា។
កម្មវិធីប្រកួត សប្ដាហ៍ទី២ ថ្ងៃទី១៧-១៨ សីហា ឆ្នាំ២០២៤៖
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
តារាងចំណាត់ថ្នាក់ បណ្ដោះអាសន្ន នៅសប្ដាហ៍ទី១៖
