បាល់ទះបុរស ជើងឯកអាស៊ីអាគ្នេយ៍ លើកទី៤ ឆ្នាំ២០២៤ នឹងចាប់ផ្ដើមប្រកួត នៅថ្ងៃនេះហើយ!

ព្រឹត្តិការណ៍​ប្រកួត​កីឡាបាល់ទះផ្នែកបុរស ជើងឯកអាស៊ីអាគ្នេយ៍ លើកទី៤ ឆ្នាំ២០២៤ 4th Men’s SEA V.League 2024 នឹង​ធ្វើ​ការ​ប្រកួត​នៅ​ថ្ងៃ​នេះ នៅ​ក្រុង Manila ទឹក​ដី​នៃប្រទេស​ហ្វីលីពីន ដែល​មាន​ក្រុម​បាល់បុរសចំនួន ៤ប្រទេសចូល​រួម​ប្រកួត​ប្រជែង។

ការប្រកួត ជើងឯកអាស៊ីអាគ្នេយ៍ លើកទី៤ ឆ្នាំ២០២៤ 4th SEA V.League 2024 ​​ដែររៀប​ចំឡើង​នៅ​ប្រទេសហ្វីលិពីណសម្រាប់​ការប្រកួតជើងទី១ នៃពាន​រង្វាន់បាល់ទះអាស៊ីអាគ្នេយ៍ (SEA V.League) ឆ្នាំ២០២៤ នឹង​ធ្វើ​ឡើង​ ចាប់ពីថ្ងៃទី១៦ ដល់ថ្ងៃទី១៨ ខែសីហា ឆ្នាំ២០២៤។

កម្មវិធីប្រកួត 4th Men’s SEA V.League 2024៖

លើសពី​នេះ​ កីឡាករ Bryan Bagunas ក៏​មាន​វត្តមាន​ចូល​រួម​ជួង​ក្រុម​បាល់ទះ​ហ្វីលីពីន ក្នុង​ពាន​រង្វាន់​នេះ​ផង​ដែរ។ Bryan Bagunas ដែល​មាន​ភាព​លេចធ្លោ រូបគេ​ធ្លាប់ជួយឱ្យក្រុមជម្រើសជាតិហ្វីលីពីន ឈ្នះមេដាយប្រាក់ ក្នុងព្រឹត្តិការណ៍ស៊ីហ្គេម ឆ្នាំ២០១៩ និងជាដៃគូដ៏ស្អិតល្មួត របស់វឿន វាសនា គឺនៅក្លិប Win Streak សមាជិកលីគ​​បាល់ទះ​​របស់ប្រទេសតៃវ៉ាន់ ផងដែរ៕