ការប្រកួតខេមបូឌានលីគនារី Cambodian Women’s League ឆ្នាំ២០២៤-២៥ នឹងចាប់ផ្ដើមនៅសប្ដាហ៍ទី១ នៅថ្ងៃសៅរ៍ ទី១៧ ខែសីហា ឆ្នាំ២០២៤នេះ ដោយមានចំនួន ៥គូ និង៥ទីលានផ្សេងគ្នា ដែលចាប់ផ្ដើមនៅវេលាម៉ោង ៣:៣០នាទីរសៀលដូចគ្នា។
កម្មវិធីប្រកួតលីគនារី Cambodian Women’s League ឆ្នាំ២០២៤ សប្ដាហ៍ទី១ ម៉ោង ៣:៣០រសៀល៖
- ក្លិបបាល់ទាត់មីស្ទើរលេង ប៉ះ ក្លិបបាល់ទាត់វិសាខា
- ក្លិបបាល់ទាត់ព្រះខ័នរាជស្វាយរៀង ប៉ះ សមាគមកីឡាខេត្តកំពង់ធំ
- សលត៍ ខេត្តបាត់ដំបង ប៉ះ ក្លិបបាល់ទាត់សៀមរាប
- ក្លិបបាល់ទាត់ភ្នំពេញក្រោន ប៉ះ ក្លិបបាល់ទាត់ណាហ្គាវើលដ៍
- ក្លិបបាល់ទាត់បឹងកេត ប៉ះ មន្ទីរ អ.យ.កខេត្តកំពង់ឆ្នាំង។
ការប្រកួតត្រូវបែងចែកចេញជាពីរដំណាក់កាល ដោយដំណាក់កាលទីមួយត្រូវធ្វើការប្រកួត តាមរូបមន្ត លីគពីរជុំ (ម្ចាស់ផ្ទះ និងភ្ញៀវ) និងដំណាក់កាលទីពីរ បន្ទាប់ពីបញ្ចប់ការប្រកួតលីគពីរជុំ ក្រុមដែលមាន ចំណាត់ថ្នាក់ពីលេខ១ ដល់លេខ៤ នឹងត្រូវប្រកួតចំនួន ៣ប្រកួតបន្ថែមទៀត ដើម្បីជ្រើសយក ១ក្រុមដែល មានពិន្ទុខ្ពស់ជាងគេ នឹងក្លាយជាក្រុមជើងឯក។
សូមបញ្ជាក់ផងដែរថា ដោយមានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែងក្នុងការប្រកួតលីគនេះ។ ការប្រកួតខាងលើនេះ មានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់។ ការប្រកួតគ្រោង នឹងប្រព្រឹត្តទៅចាប់ពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
