ការប្រកួតខេមបូឌានលីគនារី Cambodian Women’s League ឆ្នាំ២០២៤-២៥ បានបញ្ចប់សប្ដាហ៍ទី១ នៅថ្ងៃសៅរ៍ ទី១៧ ខែសីហា ឆ្នាំ២០២៤ ដោយក្រុមបាល់ទាត់វិសាខា ភ្នំពេញក្រោន សៀមរាប បឹងកេត និងស្វាយរៀង រកបាន៣ពិន្ទុដូចគ្នា។
លទ្ធផលលីគនារី Cambodian Women’s League ឆ្នាំ២០២៤ សប្ដាហ៍ទី១៖
- ក្លិបបាល់ទាត់មីស្ទើរលេង ០-១៧ ក្លិបបាល់ទាត់វិសាខា
- ក្លិបបាល់ទាត់ព្រះខ័នរាជស្វាយរៀង ១២-០ សមាគមកីឡាខេត្តកំពង់ធំ
- សលត៍ ខេត្តបាត់ដំបង ០-១៥ ក្លិបបាល់ទាត់សៀមរាប
- ក្លិបបាល់ទាត់ភ្នំពេញក្រោន ៣-០ ក្លិបបាល់ទាត់ណាហ្គាវើលដ៍
- ក្លិបបាល់ទាត់បឹងកេត ៦-០ មន្ទីរ អ.យ.កខេត្តកំពង់ឆ្នាំង។
ការប្រកួតត្រូវបែងចែកចេញជាពីរដំណាក់កាល ដោយដំណាក់កាលទីមួយត្រូវធ្វើការប្រកួត តាមរូបមន្ត លីគពីរជុំ (ម្ចាស់ផ្ទះ និងភ្ញៀវ) និងដំណាក់កាលទីពីរ បន្ទាប់ពីបញ្ចប់ការប្រកួតលីគពីរជុំ ក្រុមដែលមាន ចំណាត់ថ្នាក់ពីលេខ១ ដល់លេខ៤ នឹងត្រូវប្រកួតចំនួន ៣ប្រកួតបន្ថែមទៀត ដើម្បីជ្រើសយក ១ក្រុមដែល មានពិន្ទុខ្ពស់ជាងគេ នឹងក្លាយជាក្រុមជើងឯក។
សូមបញ្ជាក់ផងដែរថា ដោយមានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែងក្នុងការប្រកួតលីគនេះ។ ការប្រកួតខាងលើនេះ មានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់។ ការប្រកួតគ្រោង ចាប់ផ្តើមពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
