ពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ បានបញ្ចប់ការប្រកួតសប្ដាហ៍ទី១ ហើយកាលពីថ្ងៃសៅរ៍ ទី១៧ ខែសីហា ឆ្នាំ២០២៤ កន្លងទៅក្នុងនោះឃើញថា ក្រុមបាល់ទាត់នារីវិសាខា ឈរកំពូលតារាងសប្តាហ៍ទី១ ក្រោយឆ្លងកាត់១ប្រកួត ឈ្នះ១ប្រកួត មាន៣ពិន្ទុ មាន១៧គ្រាប់បាល់ច្រើនជាងក្រុមទាំង៤ផ្សេងទៀត។
លទ្ធផលសរុបសប្តាហ៍ទី១
តារាងចំណាត់ថ្នាក់ត្រឹមសប្តាហ៍ទី១
សម្រាប់ការប្រកួតត្រូវបែងចែកចេញជាពីរដំណាក់កាល ដោយដំណាក់កាលទីមួយត្រូវធ្វើការប្រកួត តាមរូបមន្ត លីគពីរជុំ (ម្ចាស់ផ្ទះ និងភ្ញៀវ) និងដំណាក់កាលទីពីរ បន្ទាប់ពីបញ្ចប់ការប្រកួតលីគពីរជុំ ក្រុមដែលមាន ចំណាត់ថ្នាក់ពីលេខ១ ដល់លេខ៤ នឹងត្រូវប្រកួតចំនួន ៣ប្រកួតបន្ថែមទៀត ដើម្បីជ្រើសយក ១ក្រុមដែល មានពិន្ទុខ្ពស់ជាងគេ នឹងក្លាយជាក្រុមជើងឯក។
សូមបញ្ជាក់ផងដែរថា ដោយមានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែងក្នុងការប្រកួតលីគនេះ។ ការប្រកួតខាងលើនេះ មានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់។ ការប្រកួតគ្រោង នឹងប្រព្រឹត្តទៅចាប់ពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
