ការប្រកួតពានរង្វាន់ជម្រើសជើងឯកយុវជនអាយុក្រោម ១៦ឆ្នាំ (U16 Cambodian Youth League 2024)
បានបញ្ចប់ការប្រកួតសប្ដាហ៍ទី១២ ហើយកាលពីនៅថ្ងៃទី១៨ ខែសីហា ឆ្នាំ២០២៤ កន្លងទៅ ក្នុងនោះឃើញថា មានវត្តមានអាជ្ញាកណ្តាលបរទេសម្នាក់ កាត់ក្នុងជំនួបក្រុមម្ចាស់ផ្ទះសៀមរាប យកឈ្នះក្រុមព្រះខ័នរាជស្វាយរៀង ដោយលទ្ធផល ៤-១ ក្នុងកីឡដ្ឋានហនុមាន ខេត្តសៀមរាប។
ដោយលែកកាលពីថ្ងៃទី១១ ខែសីហា ឆ្នាំ២០២៤ កន្លងទៅ លោក Goerge Warren ក៏ធ្លាប់បានដឹកនាំការប្រកួត១ម្តងរួចមកហើយ នោះគឺជំនួបក្រុមអង្គរថាយហ្គឺរ ចាញ់ សាលាបាល់ទាត់ជាតិបាទី ដោយលទ្ធផល ០-៤ នៅកីឡដ្ខានហនុមាន។
ពីរប្រកួតមកនេះ លោក Goerge Warren ជនជាតិអង់គ្លេស បានចាយកាតសរុបចំនួន៦សន្លឹក និងកាតក្រហម១សន្លឹក ក្នុងនោះបានចាយលើប្រកួតរវាងអង្គរថាយហ្គឺរ ប៉ះសាលាបាល់ទាត់ជាតិ ២សន្លឹក និងប្រកួតទី២ គឺរវាងក្រុមសៀមរាប ប៉ះ ព្រះខ័នរាជស្វាយរៀង រូបគាត់ចាយចំនួន ៤សន្លឹក មានកាតក្រហម១សន្លឹក។
តារាងចំណាត់ថ្នាក់ត្រឹមសប្តាហ៍ទី១២
សូមជម្រាបថា នេះជាឆ្នាំដំបូងហើយដែលសហព័ន្ធកីឡាបាល់ទាត់កម្ពុជា (ស.ប.ក) រៀបចំពានរង្វាន់លីគយុវជនក្រោមអាយុ១៦ ឆ្នាំ និង ១៩ឆ្នាំ មានក្រុមចូលរួមចំនួន១០ ដូចគ្នា និងត្រូវប្រកួតប្រជែងចាប់ពីថ្ងៃទី១៥ ខែឧសភា ដល់ថ្ងៃទី៣ខែវិច្ឆិកា ឆ្នាំ២០២៤ ដោយតម្រូវឱ្យក្រុមទាំងអស់ប្រកួតគ្នាចំនួន២ជុំ ហើយក្រុមមានពិន្ទុខ្ពស់ជាងគេចំនួន ៤មានឈ្មោះឡើងទៅប្រកួតវគ្គពាក់កណ្តាលផ្ដាច់ព្រ័ត្រ ដោយក្នុងនោះ៖
- ២០ តុលា ២៤៖ ក្រុមលេខ៣ ប៉ះក្រុមលេខ៤
- ២៧ តុលា ២៤៖ ក្រុមលេខ២ ប៉ះអ្នកឈ្នះ រវាងលេខ៣ ឬលេខ៤
ចំណែកវគ្គផ្ដាច់ព្រ័ត្រ៖ - ៣ វិច្ឆិកា ២៤៖ ក្រុមលេខ១ ប៉ះអ្នកឈ្នះរវាងក្រុមលេខ២ ប៉ះលេខ៣ឬលេខ៤៕
