ព្រះខ័នរាជស្វាយរៀង មានកីឡាករ ២រូប ដែលរកគ្រាប់បាល់បានច្រើនជាងគេ គឺ Roque Silveira Dos Santos ចំនួន ៣គ្រាប់ និងកីឡាករ PABLO AUGUSTO បានចំនួន ២គ្រាប់នៃពានរង្វាន់លីគកំពូលកម្ពុជា Cambodian Premier League រដូវកាល២០២៤-២៥ ថ្ងៃទី១៨ សីហា ២០២៤។
ដោយឡែកកីឡាករ ញាន សុស៊ីដាន Assists បាន ៣លើកមុនគេ ខណ: វីរ: ដារ៉ា រក្សា Clean Sheet បានចំនួន ១លើកផងដែរ។ ព្រះខ័នរាជស្វាយរៀង ភ្នំពេញក្រោន ណាហ្គាវើលដ៍ គឺជាក្រុមដែលរកបានជ័យជម្នះ ២ប្រកួតជាប់គ្នា មាន ៦ពិន្ទុ ពេញ នៅដើមរដូវកាលថ្មី។
តារាងចំណាត់ថ្នាក់ ក្រោយបញ្ចប់សប្ដាហ៍ទី២៖
ឃើញថា ឆ្លងកាត់ ២ប្រកួតកន្លងមក វិសាខា គិរីវង់សុខសែនជ័យ និងកងយោធពលខេមរភូមិន្ទ មិនទាន់មានពិន្ទុរាប់នៅឡើងទេ ឆ្លងកាត់ ២ប្រកួត បរាជ័យទាំង ២ប្រកួតដូចគ្នា។
លទ្ធផលប្រកួត ថ្ងៃទី១៦ និងថ្ងៃទី១៧ សីហា សប្ដាហ៍ទី២៖
- អាយអេសអាយ ដង្កោសែនជ័យ ១-៤ ព្រះខ័នរាជស្វាយរៀង នៅកីឡាដ្ឋាន AIA KMH Park
- គិរីវង់សុខសែនជ័យ ១-២ បឹងកេត នៅកីឡដ្ឋានគិរីវង់
- កងយោធពលខេមរភូមិន្ទ ១-២ ភ្នំពេញក្រោន នៅកីឡដ្ឋានស្ដាតចាស់
- សមាគមកីឡាបាល់ទាត់ក្រសួងមហាផ្ទៃ ១-១ ក្លិបបាល់ទាត់ឡាយហ្វ ខេត្តព្រះសីហនុ នៅកីឡាដ្ឋាន AIA KMH Park
- វិសាខា ០-១ ណាហ្គាវើលដ៍ នៅកីឡដ្ឋានព្រីនស៍
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់។
គួរបញ្ជាក់ថា កាលពីព្រឹកថ្ងៃចន្ទ ទី១៩ ខែសីហា ឆ្នាំ២០២៤ ក្លិបបាល់ទាត់ព្រះខ័នរាជស្វាយរៀង ធ្វើដំណើរតាមច្រកអាកាសយានដ្ឋានអន្តរជាតិភ្នំពេញ ឆ្ពោះទៅកាន់ប្រទេសម៉ាឡេស៊ីល ដើម្បីចូលរួមពានរង្វាន់ 2024–25 ASEAN Club Championship (Shopee Cup) វគ្គចែកពូល A។
ដោយក្រុមបាល់ទាត់ព្រះខ័នរាជស្វាយរៀង នឹងត្រូវជួប Terengganu សមាជិកលីគកំពូលម៉ាឡេស៊ី ថ្ងៃពុធ ទី២១ ខែសីហា ឆ្នាំ២០២៤ វេលាម៉ោង ៨:០០យប់ កីឡដ្ឋាន SULTAN MIZAN ZAINAL ABIDIN៕
