យោងតាមសារព័ត៌មាន BBC កាលពីថ្ងៃអង្គារទី២០ ខែសីហា តារាហូលីវូដនាង Jennifer Lopez និងស្វាមីដែលជាតារាសម្ដែង និងផលិតករភាពយន្ត បានដាក់ពាក្យលែងលះគ្នានៅតុលាការហើយ ក្រោយពីបានរួមរស់នៅជាមួយគ្នា ត្រឹមរយៈពេល២ឆ្នាំប៉ុណ្ណោះ។
តារាសម្ដែងល្បីរបស់ហូលីវូដ បានដាក់ពាក្យលែងលះស្វាមីនៅតុលាការជាន់ខ្ពស់ សហរដ្ឋអាមេរិក រួចរាល់ហើយកាលពីថ្ងៃអង្គារ។ មែនទែនទៅ អាពាហ៍ពិពាហ៍របស់បុគ្គលល្បីទាំងពីរបានប្រារព្ធឡើងនៅ Los Angeles កាលពីខែកក្កដា ឆ្នាំ២០២២ រួចហើយគូស្វាមីភរិយាទាំងពីរ បានបន្តទៅរៀបអាពាហ៍ពិពាហ៍ដ៏គគ្រឹកគគ្រេងនៅប្រទេស ហ្សកហ្ស៊ី។
តាមដឹងអ្នកទាំងពីរនេះ ចាប់ផ្ដើមសាងចំណងស្នេហ៍កាលពីអំឡុងឆ្នាំ២០០៣ ខណៈបានថតរឿង Gigli ជាមួយគ្នា ដោយនៅឆ្នាំនោះអ្នកទាំងពីរមានគម្រោងរៀបការតែបានសម្រេចផ្អាកវិញនៅឆ្នាំ២០០៤ ស្រាប់តែនៅឆ្នាំ ២០២០ ពួកគេក៏បានសម្រេចចិត្តដឹកដៃគ្នាចូលរោងការ។
បច្ចុប្បន្នអ្នកទាំងពីរនេះកំពុងស្ថិតនៅក្នុងដំណើរការលែងលះ និងរៀបចំសំណុំឯកសារ បញ្ជី ប្លង់ និងលិខិតផ្សេងៗ ទាំងចំណូល និងចំណាយ ដើម្បីបង្ហាញទៅតុលាការសម្រាប់ការលែងលះ៕
