សិល្បៈជាតិ៖ តារាសម្ដែង ដួង ម៉ានិច ក្រោយរៀបអាពាហ៍ពិពាហ៍និងសាងសុភមង្គលជាមួយនឹងស្វាមី ដែលជាអ្នកជំនួញអនឡាញ ឃើញថាតារាស្រីរូបនេះបានប្រើប្រាស់ជីវិតរស់នៅយ៉ាងសាមញ្ញជាមួយនឹងធម្មជាតិដោយអ្នកទាំងពីរឧស្សាហ៍ចែករំលែករូបភាពទាំងសន្លឹក និងវីដេអូនៅចំការទទួលទានបន្លែដាំដោយខ្លួន ក៏ដូចជាដាំដើមឈើហូបផ្លែផ្សេងៗនៅចំការ។
អ្វីដែលធ្វើឱ្យអ្នកគាំទ្រកាន់តែសរសើរគូស្នេហ៍ថ្មោងថ្មីមួយគូនេះគឺ ហ៊ាឆាត និងឧត្តមភរិយា ដួង ម៉ានិច បានបង្ហោះស្ដីពីការចូលរួមដាំដើមឈើជាមួយនឹង វិទ្យាស្ថានពុទ្ធិកសក្យបុត្រអន្តរជាតិ – BSI នៅលើទឹកដីស្រុកកណ្ដាលស្ទឹងនាថ្ងៃទី២១ ខែសីហា ឆ្នាំ២០២៤ នេះផ្ទាល់តែម្ដង។
ហ៊ាឆាត បានបង្ហោះនៅលើផេករបស់លោកយ៉ាងដូច្នេះថា៖ មកដាំដេីមឈើ នៅ វិទ្យាស្ថានពុទ្ធិកសក្យបុត្រអន្តរជាតិ 
រៀបចំកម្មវិធីដាំដើមឈើចំនួន២០០០ដើម នៅលើទឹកដីស្រុកកណ្តាលស្ទឹង 
វិទ្យាស្ថានពុទ្ធិកសក្យបុត្រអន្តរជាតិ – BSI
ការចូលរួមរបស់តារានៅក្នុងការសង្គម និងសហគម គឺជាគំរូមួយដ៏ល្អ ព្រោះក្នុងនាមជាពលរដ្ឋ យើងគ្រប់គ្នា គួរតែចូលរួមម្នាក់មួយដៃមួយជើង ទើបជាតិយើងឆាប់អភិវឌ្ឍ និងរីកចម្រើន យើងមិនអាចចាំតែផ្នែករដ្ឋតែមួយមុខនោះឡើយព្រោះការងារខ្លះ ត្រូវការរួមសហការគ្នាទើបឆាប់សម្រេចបានជោគជ័យនិងទៅដល់គោលដៅ ហើយការចូលរួមថែរក្សា និងដាំដើមឈើនេះក៏ជាគំរូដ៏ល្អផងដែរ ព្រោះព្រៃឈើ និងដើមឈើ ពិតជាមានអត្ថប្រយោជន៍សម្រាប់ជីវិតមនុស្ស និងសត្វ៕
