កំពង់ធំ៖ ផ្ទៃដីជាង១០ហិកតា ដែលសមត្ថកិច្ចដកហូតពីក្រុមជនខិលខូចត្រូវបានអាជ្ញារខេត្តដាំដើមឈើប្រណិតឡើងវិញ.នៅព្រឹកថ្ងៃទី២១ ខែសីហា ឆ្នាំ២០២៤ នៅតំបន់អូរតាកាវ ដែនព្រៃអង់តែន នៃគម្រោងរេដបូកកម្ពុជា-កូរ៉េ ដែលជាដែនព្រៃរក្សាទុកជាសម្បត្តិរបស់រដ្ឋ ស្ថិតក្នុងឃុំបឹងល្វា ស្រុកសន្ទុក ខេត្តកំពង់ធំ.ក្រោមអធិបតីភាពឯកឧត្តម នួន ផារ័ត្ន អភិបាលខេត្ត ប្រធានគណៈកម្មការការពារទប់ស្កាត់ និងបង្ក្រាបបទល្មើសធនធានធម្មជាតិខេត្តកំពង់ធំ និងលោកជំទាវ រួមជាមួយអាជ្ញាធរដែនដី មន្ត្រីរាជការ និងប្រជាពលរដ្ឋ។
លោក ប៉ែន វណ្ណារិទ្ធ ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ធំ ថ្លែងថាកូនឈើប្រណិតដែលត្រូវដាំស្តារព្រៃឈើឡើងវិញ នៅពេលនេះ មានចំនួន ជាង១ម៉ឺនដើម នៅលើផ្ទៃដីទំហ៊ុជាង១០ ហិតា ដែលបានដកហូតពីក្រុមជនជនល្មើស.បានលួចកាប់ទន្ទ្រានព្រៃឈើយកដីធ្វើជាកម្មសិទ្ធិក្នុងរយៈពេលកន្លងទៅ ហើយការរៀបចំដាំដើមឈើស្តាឡេីងវិញនេះ តាមបទបញ្ជារបស់ថ្នាក់ដឹកនាំគ្រប់លំដាប់ថថ្នាក់និងឯកឧត្ដមអភិបាលខេត្ត។
ឯកឧត្តម នួន ផារ័ត្ន អភិបាលខេត្តកំពង់ធំ បានថ្លែងអំណរគុណដល់មន្ទីរកសិកម្មរុក្ខាប្រម៉ាញ់ និងនេសាទខេត្ត រួមជាមួយអាជ្ញាធរដែនដីស្រុកសន្ទុក ដែលបានរៀបចំតាមការណែនាំរបស់រដ្ឋបាលខេត្ត ក្នុងការដាំកូនឈើ ដើម្បីស្ដារព្រៃឈើឡើងវិញ ក្រោយពីទទួលការបាត់បង់ដោយជនល្មើសកាប់ទន្ទ្រានយកដីធ្វើកម្មសិទ្ធិ ដែលបច្ចុប្បន្នក្រុមជនល្មើសទាំងនោះកំពុងត្រូវបានកសាងសំណុំរឿងបញ្ជូនទៅតុលាការ ដើម្បីផ្ដន្ទាទោសតាមផ្លូវច្បាប់ ជាធរមាន។
ឯកឧត្តមអភិបាលខេត្តកំពង់ធំ បានណែនាំដល់អាជ្ញាធរដែនដីមន្ត្រីរាជការ និងប្រជាពលរដ្ឋទាំងអស់ ត្រូវចូលរួមការពារសម្បត្តិធនធានធម្មជាតិរបស់យើង កុំឲ្យមានការបាត់បង់តទៅទៀត និងត្រូវមើលថែទាំកូនឈើថ្មី ដែលបានដាំនេះ ឲ្យបានដុះលូតលាស់ឡើងវិញ៕
អត្ថបទ៖ កំពង់ធំ
