ក្លិបព្រះខ័នរាជស្វាយរៀង ម្ចាស់ជើងឯកពានរង្វានសម្ដេច ហ៊ុន សែន លើកទី១៧ និង ជាជើងឯក លីគកំពូលកម្ពុជា ឆ្នាំ២០២៣-២៤ នឹងត្រូវមានភារកិច្ចមួយទៀតតំណាងអោយកម្ពុជា ដើម្បីចូលរួមប្រកួតពានក្លិបអាស៊ីលំដាប់ទី៣ 2024-25 AFC Challenge League។
សម្រាប់ការបែងចែកPot ដើម្បីចាប់ឆ្នោតការប្រកួតវគ្គជម្រុះ Playoff ពានរង្វាន់លំដាប់ទី៣នៅអាស៊ី AFC Challenge League ក៏បានធ្វើរួមរាល់ហើយដែរ ដោយមានដូចខាងក្រោម៖
Pot 1
- ក្រុម MADURA UNITED របស់ឥណ្ឌូណេស៊ី
- ក្រុម Shan United FC របស់មីយ៉ា់ន់ម៉ា
Pot 2
- ក្រុម ព្រះខ័នរាជស្វាយរៀង របស់កម្ពុជា
- ក្រុម Tainan City F.C របស់តៃវ៉ាន់
Pot 3
- ក្រុម Young Elephants F.C. របស់ឡាវ
- ក្រុម SP Falcons FC របស់ម៉ុហ្គោលី
ដូចនេះ សម្រាប់កាលបរិច្ឆេទចាប់ឆ្នោត ធ្វើឡើងនៅថ្ងៃទី២២ ខែសីហា ឆ្នាំ២០២៤ វេលាម៉ោង ២:០០នាទីរសៀល។ ខណ:ក្រុមម្ចាស់ផ្ទះមិនកំណត់នៅឡើយទេ តែពេលដែលចាប់ឆ្នោតរួច ក្រុមដែលមានសមត្ថភាពអាចដេញថ្លៃធ្វើម្ចាស់ផ្ទះដោយខ្លួនឯង។
រំលឹកថា ព្រះខ័នរាជស្វាយរៀង បានក្លាយជាក្រុមដំបូងគេក្នុងរយៈពេល១៦ឆ្នាំចុងក្រោយសម្រាប់ការឈ្នះជើងឯក២ក្នុង១រដូវកាល បន្ទាប់ពីឈ្នះពានរង្វាន់សម្តេចតេជោ ហ៊ុន សែន លើកទី១៧ កាលពីថ្ងៃទី២៨ ខែមេសា និងឈ្នះជើងឯកលីគកំពូលកម្ពុជាកាលពីថ្ងៃទី៤ ខែឧសភា ឆ្នាំ២០២៤។ ភ្នំពេញក្រោនជាក្រុមដំបូងគេបង្អស់ដែលបានឈ្នះជើងឯក២ក្នុង១រដូវកាលកាលពីឆ្នាំ២០០៨។
ពានរង្វាន់ AFC Challenge League គឺជាពានកម្រិតទី៣ ក្នុងតំបន់អាស៊ី។ ពានរង្វាន់ក្លិបប្រចាំទ្វីបអាស៊ី មាន៣ប្រភេទ៖ គឺ AFC Champions League, AFC Cup និង AFC Challenge league។ AFC Challenge league ដែលព្រះខ័នរាជស្វាយរៀង ត្រូវប្រកួតនោះ នឹងត្រូវចាប់ផ្ដើមពីថ្ងៃទី២៧ ខែតុលា ឆ្នាំ២០២៤ ដោយមាន ១៨ក្រុមចូលរួម៕
