លីគកំពូលកម្ពុជា Cambodian Premier Leagueនឹងឈានដល់ការប្រកួតសប្តាហ៍ទី៣ ខណៈកាលពីសប្តាហ៍ទី២ កន្លងទៅអ្នកគាំទ្រចូលទស្សនាផ្ទាល់កើនជាង១ម៉ឺននាក់ នៅតាមកីឡដ្ឋានទាំង១០។
សារព័ត៌មានត្រយង សូមជម្រាបជូនអំពីចំនួនអ្នកគាំទ្រតាមកីឡដ្ឋានទាំង១០ ដូចតទៅ៖
- ទី១ កីឡដ្ឋាន ខេត្តស្វាយរៀង មានចំនួន ៤១៦៣នាក់
- ទី២ កីឡដ្ឋាន Smart RSN របស់ភ្នំពេញក្រោន មានចំនួន ២៦៩៣នាក់
- ទី៣ កីឡដ្ឋាន Life ខេត្តព្រះសីហនុ របស់ Life FC មានចំនួន ១៣៤៤នាក់
- ទី៤ កីឡដ្ឋាន AIA Stadium KMH PARK របស់ ISI Dangkor Senchey មានចំនួន ២០១៩នាក់
- ទី៥ កីឡដ្ឋាន Prince របស់វិសាខា មានចំនួន ១២៣១ នាក់
- ទី៦ កីឡដ្ឋាន AIA Stadium KMH PARK ដែលក្រុមមហាផ្ទៃ យកធ្វើជាដីចំនួន ១១៦២នាក់
- ទី៧ កីឡដ្ឋាន ខេត្តកំពង់ស្ពឺ របស់ណាហ្គាវើលដ៍ មានចំនួន ៨៣១នាក់
- ទី៨ កីឡដ្ឋាន គិរីវង់សុខសែនជ័យ របស់ក្រុមគិរីវង់សុខសែនជ័យ មានចំនួន ២៦១នាក់
សរុបអ្នកគាំទ្រនៅលីគកំពូលកម្ពុជា ត្រឹមសប្តាហ៍ទី២ មានចំនួន ១៤៤៨៩នាក់។
ចំពោះពហុកីឡដ្ឋានជាតិ អូឡាំពិក របស់បឹងកេត គឺមិនទាន់ដល់វេនដែលត្រូវទទួលធ្វើម្ចាស់ផ្ទះនោះឡើយ ខណៈកីឡដ្ឋានរបស់អង្គរថាយហ្គឺរ គឺកំពុងសាងសង់ ហើយនឹងប្រើប្រាស់កីឡដ្ឋាន AIA Stadium KMH PARK ធ្វើជាទឹកដីបណ្តោះអាសន្ន។
ដោយលែកតារាងចំណាត់ថ្នាក់វិញឃើញថា៖
សម្រាប់កម្មវិធីប្រកួតនៅសប្តាហ៍ទី៣៖
សូមជម្រាបថា ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ បានចាប់ផ្តើមប្រកួតនៅថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ តម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
