Gabriel Silva សញ្ជាតិប្រេស៊ីល គឺជាកីឡាករបរទេសទី២ បន្ទាប់ពី Thiha Zaw សញ្ជាតិមីយ៉ាន់ម៉ា របស់ណាហ្គាវើលដ៍ ជាឈ្មោះជាកីឡាករល្អប្រចាំការប្រកួតនៅសប្ដាហ៍ទី១ ប្រជែងងារ MVP ពីកីឡាករខ្មែរ នៅសប្ដាហ៍ទី២ នៃពានរង្វាន់លីគកំពូលកម្ពុជា Cambodian Premier League រដូវកាល២០២៤-២៥។
ក្នុងចំណោមកីឡាករល្អប្រចាំការប្រកួតទាំង ១០រូប ២សប្ដាហ៍កន្លងមក គឺមាន Thiha Zaw សញ្ជាតិមីយ៉ាន់ម៉ា ឈ្នះ MVP នៅសប្ដាហ៍ទី១ និង Gabriel Silva សញ្ជាតិប្រេស៊ីល ឈ្នះ MVP នៅសប្ដាហ៍ទី២ ដែលប្រជែងជាមួយកីឡាករខ្មែរ ៨រូបផ្សេងទៀត។
កីឡាករខ្មែរឈ្នះ MVP នៅសប្ដាហ៍ទី១៖
- កីឡាករ លឹម ពិសុទ្ធ របស់ភ្នំពេញក្រោន
– កីឡាករ គី រីណា របស់អង្គរថាយហ្កឺរ
– កីឡាករ អៀម រតនា របស់ ISI ដង្កោសែនជ័យ
– កីឡាករ ញាន សុស៊ីដាន របស់ព្រះខ័នរាជស្វាយរៀង
កីឡាករខ្មែរឈ្នះ MVP នៅសប្ដាហ៍ទី២៖
– កីឡាករ ម៉ាត់ នូរុណ របស់បឹងកេត
– កីឡាករ យូឌៃ អូកាវ៉ា របស់ភ្នំពេញក្រោន
– អ្នកចាំទី រ៉េត លីហេង របស់ណាហ្គាវើលដ៍
– កីឡាករ ម៉ាត់ សាក់រវី របស់មហាផ្ទៃ
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
កម្មវិធីប្រកួត សម្រាប់សប្ដាហ៍ទី៣៖
