លីគកំពូលកម្ពុជា Cambodian Premier League រដូវកាលឆ្នាំ២០២៤-២៥ នឹងឈានដល់ការប្រកួតសប្តាហ៍ទី៣ ខណៈកន្លងមក កីឡាករ យ៉ើ ម៉ូស្លីម ជាកីឡាករតែម្នាក់ដែល Assist បាន២ប្រកួតជាប់ៗគ្នា ត្រឹមសប្តាហ៍ទី២។
នៅសប្តាហ៍ទី១ យ៉ើ ម៉ូស្លីម បានបញ្ចូនបាល់ឱ្យមិត្តរួមក្រុមរកគ្រាប់បាល់ ក្នុងជំនួបភ្នំពេញក្រោន យកឈ្នះវិសាខា ដោយលទ្ធផល ៤ទល់នឹង២ កាលពីថ្ងៃទី១០ ខែសីហា ឆ្នាំ២០២៤ កន្លងទៅនៅកីឡដ្ឋាន Smart RSN ។
នៅសប្តាហ៍ទី២ យ៉ើ ម៉ូស្លីម បានបញ្ចូនបាល់ឱ្យមិត្តរួមក្រុមរកគ្រាប់បាល់ ក្នុងជំនួបភ្នំពេញក្រោន យកឈ្នះកងយោធនពលខេមរភូមិន្ទ ដោយលទ្ធផល ២ទល់នឹង១ កាលពីថ្ងៃទី១៧ ខែសីហា ឆ្នាំ២០២៤ កន្លងទៅនៅកីឡដ្ឋានស្តាតចាស់។
កម្មវិធីប្រកួត សម្រាប់សប្ដាហ៍ទី៣៖
តារាងចំណាត់ថ្នាក់ បណ្ដោះអាសន្ន នៅសប្ដាហ៍ទី២៖
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
