នៅក្នុងបទសម្ភាសន៍មួយកាលពីពេលថ្មីៗនេះ Lee Min Ho បានរំលឹកដល់ Rose សមាជិក Blackpink ដោយភាគច្រើនការលើកឡើងនោះផ្ដោតជាសំខាន់ចំពោះការច្រៀង Cover បទ «Viva La Vida» ដែលដាក់បញ្ចូលទៅក្នុងវគ្គថ្មីនៃរឿងភាគល្បីរបស់ Lee Min Ho រឿង «Pachinko»។ បុរសសង្ហារូបនេះបានបង្ហាញពីការអន្ទះសាររបស់ខ្លួនចំពោះការ Cover បទរបស់ Rose ដោយ Lee Min Ho បានអះអាងថាស្ទីលច្រៀងដែលមានភាពខុសប្លែកពីគេរបស់ Rose នឹងកាន់តែជួយឱ្យអ្នកទស្សនាចូលតួទៅតាម វីដេអូផ្សព្វផ្សាយខ្លីនៃភាពយន្តរបស់លោក។
នៅក្នុងសម្ភាសន៍ដដែលនោះ Lee Min Ho បានបង្ហាញពីការកោតសរសើរត្រង់ៗឥតលាក់លៀមចំពោះ Rose ដោយលោកបាននិយាយថា «ខ្ញុំស្រលាញ់សំឡេង Rose ហើយនៅពេលខ្ញុំបានដឹងថា Rose នឹងច្រៀង Cover បទ Viva La Vida សម្រាប់ភាពយន្តភាគ Pachinko ខ្ញុំពិតជាមានសេចក្ដីរីករាយឥតឧបមា។ ខ្ញុំជឿថាបច្ចេកទេសច្រៀង និងទឹកដមសំឡេងរបស់នាង នឹងធ្វើឱ្យ Trailer របស់ភាពយន្ត Pachinko កាន់តែមើលទាក់ទាញនិងមានភាពស៊ីជម្រៅ។ ខ្ញុំពិតជាពេញចិត្តក្នុងការទស្សនាភាពយន្ត និង ស្ដាប់សំឡេងរបស់ Rose បរិយាយពីសាច់រឿងតាមរយៈចម្រៀង។
សូមជម្រាបជូនថា រឿងភាគ Pachinko វគ្គ២ នឹងចាប់ផ្ដើមចាក់បញ្ចាំងភាគ១របស់ខ្លួន ចាប់ពីថ្ងៃទី២៣ ខែសីហា ឆ្នាំ២០២៤ នៅលើ Apple TV+៕
