កីឡាការិនី ៣រូបរបស់វិសាខា រកបាន Hat Trick ក្នុងមួយប្រកួត ជំនួបសប្ដាហ៍ដំបូង នៃពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ ក្នុងការយកឈ្នះសមាគក្លិបបាល់ទាត់មីស្ទើរលេង កាលពីថ្ងៃសៅរ៍ ទី១៧ ខែសីហា ឆ្នាំ២០២៤។
ក្នុងនោះសម្រាប់កីឡាការិនីដែលរកបាន Hat Trick នៅក្នុងសប្ដាហ៍ទី១ រួមមាន៖
- កីឡាការិនី គ្រីន ស្រីបុល របស់វិសាខា រកបាន ៣គ្រាប់
- កីឡាការិនី ឌី សុធា របស់វិសាខា រកបាន ៦គ្រាប់
- កីឡាការិនី កៃ ស្រីលាប របស់ិសាខា រកបាន ៣គ្រាប់
- កីឡាការិនី ឈិត សាភឿន របស់ព្រះខ័នរាជស្វាយរៀង រកបាន ៥គ្រាប់
- កីឡាការិនី រិទ្ធ ច័ន្ធនិម្មល របស់សៀមរាប រកបាន ៣គ្រាប់
- កីឡាការិនី សោម មុនីកន្និដ្ឋា របស់បឹងកេត រកបាន ៣គ្រាប់
ក្នុងការប្រកួតសប្ដាហ៍ទី១ នោះឃើញថា ក្រុមបាល់ទាត់នារីវិសាខា ឈរកំពូលតារាងសប្តាហ៍ទី១ ក្រោយឆ្លងកាត់១ប្រកួត ឈ្នះ១ប្រកួត មាន៣ពិន្ទុ មាន១៧គ្រាប់បាល់ច្រើនជាងក្រុមទាំង៤ផ្សេងទៀត។
តារាងចមណាត់ថ្នាក់ខាងក្រោម៖
សម្រាប់ការប្រកួតត្រូវបែងចែកចេញជាពីរដំណាក់កាល ដោយដំណាក់កាលទីមួយត្រូវធ្វើការប្រកួត តាមរូបមន្ត លីគពីរជុំ (ម្ចាស់ផ្ទះ និងភ្ញៀវ) និងដំណាក់កាលទីពីរ បន្ទាប់ពីបញ្ចប់ការប្រកួតលីគពីរជុំ ក្រុមដែលមាន ចំណាត់ថ្នាក់ពីលេខ១ ដល់លេខ៤ នឹងត្រូវប្រកួតចំនួន ៣ប្រកួតបន្ថែមទៀត ដើម្បីជ្រើសយក ១ក្រុមដែល មានពិន្ទុខ្ពស់ជាងគេ នឹងក្លាយជាក្រុមជើងឯក។
សូមបញ្ជាក់ផងដែរថា ដោយមានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែងក្នុងការប្រកួតលីគនេះ។ ការប្រកួតខាងលើនេះ មានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់។ ការប្រកួតគ្រោង នឹងប្រព្រឹត្តទៅចាប់ពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
