អ្នកចាំទី ៥រូបបានរក្សាសំណាញ់ទី Clean Sheets របស់ខ្លួន មិនអោយមានគ្រាប់បានចូល ក្នុងជំនួបសប្ដាហ៍ទី១ នៃពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ កាលពីថ្ងៃសៅរ៍ ទី១៧ ខែសីហា ឆ្នាំ២០២៤។
អ្នកចាំទីនារីទាំង ៥នាក់ ដែលរក្សា Clean Sheets បានរួមមាន៖
- អ្នកចាំទី ពេញ បូរ៉ាវី របស់វិសាខា រក្សា Clean Sheets បាន ១លើក
- អ្នកចាំទី អ៊ិន ស្រីនិច របស់ព្រះខ័នរាជស្វាយរៀង រក្សា Clean Sheets បាន ១លើក
- អ្នកចាំទី ទិត្យ ចំរ៉ុង របស់សៀមរាប រក្សា Clean Sheets បាន ១លើក
- អ្នកចាំទី ជា ហ្វារីយ៉ា របស់ភ្នំពេញក្រោន រក្សា Clean Sheets បាន ១លើក
- អ្នកចាំទី ជុំ សុខលក្ខិណា របស់បឹងកេត រក្សា Clean Sheets បាន ១លើក
ក្នុងនោះផងដែរ សម្រាប់ក្រុមដែលឈរកំពូលតារាង និងរកគ្រាប់បានបាន រួមមាន៖ វិសាខា ១៧គ្រាប់ សៀមរាប ១៥គ្រាប់ ព្រះខ័នរាជស្វាយរៀង ១២គ្រាប់ បឹងកេត ៦គ្រាប់ និងភ្នំពេញក្រោន ៣គ្រាប់។
សូមបញ្ជាក់ផងដែរថា ពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ មានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែង និងមានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់ ដែលបានចាប់ផ្ដើមកាលពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
