ក្រុមបាល់ទាត់នារីវិសាខា បានបន្តយកឈ្នះក្រុមនារីសលត៍ ខេត្តបាត់ដំបង ក្នុងលទ្ធផល ១៨-០ នៅសប្ដាហ៍ទី២ បន្ទាប់ពីយកឈ្នះក្រុមបាល់ទាត់នារី នៃសមាគមក្លឹបបាល់ទាត់មីស្ទើរលេង ក្នុងលទ្ធផល ១៧-០ នៃការប្រកួតពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ ។
លទ្ធផលប្រកួត សប្ដាហ៍ទី២ នៅថ្ងៃទី២៣ សីហា ២០២៤៖
- បឹងកេត 0-៣ ស្វាយរៀង នៅទីលានហ្វឹកហាត់ បឹងកេតហាយតិច វេលាម៉ោង ៣:៣០នាទីរសៀល
- វិសាខា ១៨-០ សលត៍ ខេត្តបាត់ដំបង នៅមជ្ឈមណ្ឌលហ្វឹកហាត់ វិសាខា វេលាម៉ោង ៣:៣០នាទីរសៀល
ក្នុងការប្រកួត ២សប្ដាហ៍កនម្លងមក នោះឃើញថា ក្រុមបាល់ទាត់នារីវិសាខា ក្រោយឆ្លងកាត់២ប្រកួត ឈ្នះ២ប្រកួត មាន៦ពិន្ទុ ដោយស៊ុតបញ្ជូលទីបាន ៣៥គ្រាប់។
សូមបញ្ជាក់ផងដែរថា ពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥ មានក្លិបបាល់ទាត់ សមាគម មន្ទីរ និង អង្គការសរុបចំនួន ១០ក្រុម ចូលរួមប្រកួតប្រជែង និងមានចំនួនសរុប ៩៣ប្រកួត ដែលមានរយៈពេល ៧ខែ នឹងបញ្ចប់ ដែលបានចាប់ផ្ដើមកាលពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី០៨ ខែកុម្ភៈ ឆ្នាំ២០២៥៕
