ការប្រកួតពានរង្វាន់ជម្រើសជើងឯកយុវជនអាយុក្រោម ១៩ឆ្នាំ U9 Cambodian Youth League 2024 បញ្ចប់សប្ដាហ៍ទី១៣ ជុំទី២ មានចំនួន ៤គូ នៅលើ ៤ទីលានផ្សេងគ្នា នៅថ្ងៃទី២៥ ខែសីហា ឆ្នាំ២០២៤នេះ។
លទ្ធផលប្រកួត ថ្ងៃទី២៥ សីហា ២០២៤ សប្ដាហ៍ទី១៣ ជុំទី២៖
- វិសាខា ៥-២ អាយ អេស អាយ ដង្កោសែនជ័យ ទីលានហ្វឹកហាត់ វិសាខា
- ព្រះខ័នរាជស្វាយរៀង ៤-០ អង្គរថាយហ្គឺរ ទីលានវិទ្យាល័យស្វាយរៀង
- បឹងកេត ២-២ សាលាបាល់ទាត់ជាតិបាទី ទីលានហ្វឹកហាត់ បឹងកេត ហាធិត
- សាលាតម្រង់ទិសរាជធានី ភ្នំពេញ ០-៥ ភ្នំពេញក្រោន វិទ្យាល័យហ៊ុន សែន ច្បាអំពៅ
ដោយឡែកសម្រាប់មួយគូ គឺក្រុមយុវជនកងយោធពលខេមរភូមិន្ទ បានយកឈ្នះលើក្រុមណាហ្គាវើលដ៍ អាយុក្រោម ១៩ឆ្នាំ ដោយលទ្ធផល ២-១ នាល្ងាចថ្ងៃទី២៤ ខែសីហា ឆ្នាំ២០២៤ ក្នុងកីឡដ្ឋានស្តាតចាស់ ក្នុងជំនួបសប្តាហ៍ទី១៣ ជុំទី២។
នេះជាឆ្នាំដំបូងហើយដែលសហព័ន្ធកីឡាបាល់ទាត់កម្ពុជា (ស.ប.ក) រៀបចំពានរង្វាន់លីគយុវជនក្រោមអាយុ១៩ឆ្នាំ មានក្រុមចូលរួមចំនួន១០ ដូចគ្នា និងត្រូវប្រកួតប្រជែងចាប់ពីថ្ងៃទី១៥ ខែឧសភា ដល់ថ្ងៃទី៣ខែវិច្ឆិកា ឆ្នាំ២០២៤ ដោយតម្រូវឲ្យក្រុមទាំងអស់ប្រកួតគ្នាចំនួន២ជុំ ហើយក្រុមមានពិន្ទុខ្ពស់ជាងគេចំនួន ៤មានឈ្មោះឡើងទៅប្រកួតវគ្គពាក់កណ្តាលផ្ដាច់ព្រ័ត្រ៕
