សមាគមកីឡាបាល់ទាត់កងយោធពលខេមរភូមិន្ទ (Tiffy Army ) បានបរាជ័យ ៣ប្រកួតជាប់គ្នា ក្រោយចាញ់ក្រុមភ្ញៀវ អង្គរថាយហ្គឺរ នៃពានរង្វាន់លីគកំពូលកម្ពុជា Cambodian Premier League 2024-25 ក្នុងជំនួបទី៣ នៅកីឡដ្ឋានកងយោធពលខេមរភូមិន្ទ (ស្តាតចាស់) នៅថ្ងៃទី២៥ ខែសីហា ឆ្នាំ២០២៤។
ដូចនេះឆ្លងកាត់ ៣ប្រកួតកន្លងមករបស់ សមាគមកីឡាបាល់ទាត់កងយោធពលខេមរភូមិន្ទ ឃើញថាបរាជ័យទាំង ៣ប្រកួត ដោយប្រកួតទី១ ចាញ់ព្រះខ័នរាជស្វាយរៀង ក្នុងលទ្ធផល ៧ទល់និង០ ប្រកួតទី២ ចាញ់ភ្នំពេញក្រោន ក្នុងលទ្ធផល ២ទល់និង១ និងចាញ់អង្គរថាយហ្គឺរ ២ទល់និង១ មិនទាន់មានពិន្ទុឡើង។
ដោយឡែកសម្រាប់អង្គរថាយហ្គឺរ ទើបតែលេងបាន ២ប្រកួតប៉ុណ្ណោះ នៅប្រកួតទី១ ដោយបានយកឈ្នះ សមាគមកីឡាបាល់ទាត់ក្រសួងមហាផ្ទៃ ក្នុងលទ្ធផល ១ទល់និង០ និងប្រកួតទី២ បានយកឈ្នះកងយោធពលខេមរភូមិន្ទ ២ទល់និង១ មាន ៦ពិន្ទុ ។
លទ្ធផលប្រកួត ថ្ងៃទី២៣ និង២៤ សីហា ២០២៤ សប្ដាហ៍ទី៣៖
- សមាគមកីឡាបាល់ទាត់ក្រសួងមហាផ្ទៃ ៣-៤ អាយអេសអាយ ដង្កោសែនជ័យ នៅកីឡដ្ឋាន AIA KMH Park
- វិសាខា ៣-១ ឡាយហ្វ ខេត្តព្រះសីហនុ នៅកីឡដ្ឋាន ព្រីនស៍
- ភ្នំពេញក្រោន ២-១ បឹងកេត នៅកីឡដ្ឋាន Smart RSN
កម្មវិធីប្រកួត ថ្ងៃទី២៦ សីហា សប្ដាហ៍ទី៣៖
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
