ក្រុមយុវជនអាយុក្រោម ១៦ឆ្នាំ របស់វិសាខា បានបង្ហាញការចាប់អារម្មណ៍យ៉ាងខ្លាំងនៅក្នុងការប្រកួតពានរង្វាន់ជម្រើសជើងឯកយុវជនអាយុក្រោម ១៦ឆ្នាំ U16 Cambodian Youth League 2024 ពីជ័យជម្នះ ១២ប្រកួតជាប់គ្នា លើសពីនេះ U16 វិសាខា ក៏ជាក្រុមដែលមានកាតពិន័យតិចជាងគេ និងគ្នានកាតក្រហមសោះ។
ខាងក្រោមនេះគឺជាក្រុមដែលទទួលបានកាតពិន័យពីសំណាក់អាជ្ញាកណ្ដាល៖
- ណាហ្គាវើលដ៍ កាតសរុប ៣០សន្លឹក កាតក្រហម ៣សន្លឹក
- បឹងកេត កាតសរុប ២៩សន្លឹក កាតក្រហម ៣សន្លឹក
- Tiffy Army កាតសរុប ២៥សន្លឹក កាតក្រហម ៥សន្លឹក
- សៀមរាប យូណាធិត កាតសរុប ២៥សន្លឹក កាតក្រហម ១សន្លឹក
- សាលាតម្រង់ទិញ រាជធានីភ្នំពេញ កាតសរុប ២១សន្លឹក កាតក្រហម ២សន្លឹក
- ព្រះខ័នរាជស្វាយរៀង កាតសរុប ២១សន្លឹក កាតក្រហម ៣សន្លឹក
- ISI ដង្កោសែនជ័យ កាតសរុប ១៩សន្លឹក កាតក្រហម ១សន្លឹក
- ភ្នំពេញក្រោន កាតសរុប ១៨សន្លឹក កាតក្រហម ១សន្លឹក
- អង្គរថាយហ្គឺរ កាតសរុប ១៧សន្លឹក កាតក្រហម ១សន្លឹក
- វិសាខា កាតសរុប ១១សន្លឹក គ្នានកាតក្រហម
ក្រុមយុវជនអាយុក្រោម ១៦ឆ្នាំ របស់វិសាខា គឺជាក្រុមតែមួយគត់ដែលរក្សាជ័យជម្នះបានវែងជាងគេ នៃការប្រកួតពានរង្វាន់ជម្រើសជើងឯកយុវជន បន្ទាប់ពីយកឈ្នះលើក្រុមម្ចាស់ផ្ទះ U16 Tiffy Army FC ក្នុលទ្ធផល ៥-១ គិតត្រឹមជុំទី២ សប្ដាហ៍ទី១៣ នៅព្រឹកថ្ងៃទី២៥ ខែសីហា ឆ្នាំ២០២៤។
ដូចនេះ ក្រុមយុវជនអាយុក្រោម ១៦ឆ្នាំ របស់វិសាខា គឺជាក្រុមតែមួយគត់ដែលរក្សាជ័យជម្នះបានវែងជាងគេ គឺ ១២ប្រកួតជាប់គ្នា ចាប់ពីសប្ដាហ៍ទី២មក។ បច្ចុប្បន្នក្រុមយុវជនអាយុក្រោម ១៦ឆ្នាំ របស់វិសាខា កំពុងឈរកំពូលតារាង ១៣ប្រកួតឈ្នះ ១២ប្រកួត ចាញ់១ ស៊ុតបញ្ចូលទីបាន ៥០គ្រាប់ របូតវិញ ១៣គ្រាប់ មាន ៣៦ពិន្ទុក្នុងដៃ។
នេះជាឆ្នាំដំបូងហើយដែលសហព័ន្ធកីឡាបាល់ទាត់កម្ពុជា (ស.ប.ក) រៀបចំពានរង្វាន់លីគយុវជនក្រោមអាយុ១៦ ឆ្នាំ មានក្រុមចូលរួមចំនួន១០ ដូចគ្នា និងត្រូវប្រកួតប្រជែងចាប់ពីថ្ងៃទី១៥ ខែឧសភា ដល់ថ្ងៃទី៣ខែវិច្ឆិកា ឆ្នាំ២០២៤ ដោយតម្រូវឲ្យក្រុមទាំងអស់ប្រកួតគ្នាចំនួន២ជុំ ហើយក្រុមមានពិន្ទុខ្ពស់ជាងគេចំនួន ៤មានឈ្មោះឡើងទៅប្រកួតវគ្គពាក់កណ្តាលផ្ដាច់ព្រ័ត្រ៕
