ការប្រកួតពានរង្វាន់លីគទី២កម្ពុជា (Cambodian League 2) រដូវកាលឆ្នាំ២០២៣២៤ កន្លងទៅបានរកឃើញម្ចាស់ជើងឯកហើយ នោះគឺក្រុមឡាយហ្វខេត្តព្រះសីហនុ បន្ទាប់ពីរកបានពិន្ទុបានច្រើនជាងគេ ក្នុងចំណោមក្រុមទាំង៧ដែលបានប្រវិលជុំចំនួន ២ជុំ។
ខាងក្រោមនេះជាម្ចាស់ពានសំខានៗនប្រចាំលីគទី២ រដូវកាលឆ្នាំ២០២៣-២៤៖
- ម្ចាស់ជើងឯកលីគទី២ គឺក្រុមឡាយហ្វ ខេត្តព្រះសីហនុ
- ជើងឯករងបានលលើសមាគមក្រសួងមហាផ្ទៃ
- លេខ៣ បានលើកងយោធពលខេមរភូមិន្ទ ឈុត (ខ)
- សមាគមក្រសួងមហាផ្ទៃ ជាក្រុមលេង (Fair Play) ល្អជាងគេ ប្រចាំរដូវកាល។
- កីឡាករ នួន បូរី របស់សមាគមក្រសួងមហាផ្ទៃ ពាក់អាវលេខ៩ ជាម្ចាស់ស្បែកជើងមាស (Top Goal Scorer Award) ប្រចាំរដូវកាល ក្រោយបង្ហាញខ្លួន ១៤៩១នាទី រកបាន ១៣គ្រាប់ក្នុងនាមជាខ្សែប្រយុទ្ធ។
- កីឡាករ ភឿក ថាត់ថៃ សមាជិករបស់វិសាខា ឈុត(ខ) ពាក់អាវលេខ២៩ ជាប់ឈ្មោះជាកីឡាករល្អវ័យយក្មេង ប្រចាំរដូវកាល (Best Player U-22 ) បង្ហាញខ្លួនបាន១៥២៣ នាទី ឈ្នះ MVP ៣លើក។
- កីឡាករ នួន បូរី របស់សមាគមក្រសួងមហាផ្ទៃ ពាក់អាវលេខ៩ ជាប់ឈ្មោះជាកីឡាករល្អប្រចាំការប្រកួត (Best Player) ប្រចាំរដូវកាល ក្រោយបង្ហាញខ្លួន ១៤៩១នាទី ឈ្នះ MVP ៤លើកក្នុងនាមជាខ្សែប្រយុទ្ធ។
- កីឡាករ Jose Alexandro Mendonca Da Silva Georgino សញ្ជាតិទីម័រខាងកើត និងជាកីឡាករកូតាអាស៊ាន ពាក់អាវលេខ៣១ របស់ក្រុមឡាយហ្វខេត្តព្រះសីហនុ ជាប់ឈ្មោះជាអ្នកចាំទីល្អជាងគេ (Best Goalkeeper )ប្រចាំរដូវកាល។
- លោក គង់ វិច្ចិកា របស់ឡាយហ្វខេត្តព្រះសីហនុ ជាប់ឈ្មោះជាគ្រូបង្វឹកល្អជាងគេ (Best Coach )ប្រចាំរដូវកាល ។
- លោក ពឹង សុជាតិ, ប្រឹម ម៉េងហ័រ, ទូច ពិសិទ្ធ និងលោក ទីម ចិត្រា ជាប់ឈ្មោះជាអាជ្ញាកណ្តាលល្អ (Best Referees ) ប្រចាំរដូវកាល។
