ក្រុមឥសីវ៉ូលេ/Esaivoler ដែលតែងតែរៀបចំការសម្ដែងផ្ទាំងទស្សនីយភាពល្ខោននិយាយខ្មែរ ហើយទទួលបានការគាំទ្រជាបន្តបន្ទាប់មកនោះ បាននឹងកំពុងតែសម្ដែងសាកល្បង និងតម្លើងស្នាដៃថ្មីរបស់ខ្លួន នេះបើតាមការចែករំលែកផ្សាយដោយផ្ទាល់ដោយផេក ក្រុមឥសីវ៉ូលេ/Esaivoler។
កាលពីថ្ងៃទី២៦ ខែសីហា ឆ្នាំ២០២៤ ផេកខាងលើបានបង្ហោះនៅលើហ្វេសប៊ុករបស់ខ្លួនថា៖ «ឈុតមួយក្នុងស្នាដៃល្ខោននិយាយរឿង «កំពង់ធំជំរុំចិត្ត» ដែលក្រុមឥសីវ៉ូលេ កំពុងរៀបចំតម្លើងសាកល្បង នឹងសម្ដែងជូនទស្សនិកជនបានទស្សនា នាពេលឆាប់ៗខាងមុខនេះៗ។
ល្ខោននិយាយរឿង «កំពង់ធំជំរុំចិត្ត» នេះគឺជាស្នាដៃនិពន្ធសាច់រឿងដោយ លោក វេជ្ជបណ្ឌិត ញ៉េប ជាបឡេង ដោយលោក ញឹក សុខុម បានបញ្ចូលសំឡេងជាតួអង្គសុធា ចំណែកឯសំឡេងតួឯកស្រីនារីផល គឺបានអ្នកចម្រៀងសំនៀងផ្អែម ម្ចាស់រហស្សនាម រាជធីតាវោហារមាស សំឡេងរនាតឯក លោកស្រី ហួយ មាស ជាអ្នកបញ្ចូលសំឡេង។
