ស្នេហារយៈពេល៨ឆ្នាំ រវាងប៉ាអយ និងម៉ាដាម ដា បានដើរដល់ទីបញ្ចប់ ដោយអ្នកទាំងពីរព្រមបែកគ្នាដោយសន្ដិវិធី ប៉ុន្តែរបួសបេះដូងរបស់អ្នកទាំងពីរហាក់ឆាប់ជាសះស្បើយ ព្រោះម្នាក់ៗមានអ្នកមកជួយស្អំ ជួយថែនិងព្យាបាលរបួសបេះដូងរៀងៗខ្លួនទៅហើយ។ ដោយម៉ាដាម ដា បានបើកបេះដូង និងត្រៀមចូលរោងការជាមួយ ប៊ឺរី ខណៈដែល ប៉ាអយ ក៏កំពុងតែមើលចិត្តថ្លើមគ្នាជាមួយនឹង នារីជាអ្នកជំនួញអនឡាញដ៏ស្រស់សោភាម្នាក់ផងដែរ។
ត្បិតថាស្នេហារវាងខ្លួន និងនារីជនជាតិខ្មែរ ជិត១០ឆ្នាំ មិនអាចដឹកដៃគ្នាចូលរោងការដូចការគ្រោងទុកក្ដី ប៉ុន្តែប៉ាអយ ទំនងជាមិនទាន់រាងចាល ចំពោះស្នេហាឆ្លងដែននោះឡើយ ដោយនៅតែបន្តបើកចិត្ត និងមើលចិត្តមើលថ្លើមគ្នាជាមួយនឹងអ្នកថ្មីដែលជាអ្នកជំនួញអនឡាញដូចគ្នា។
ដោយនៅក្នុងបទសម្ភាសន៍ជាមួយនឹងអ្នកសារព័ត៌មានក្នុងស្រុកមួយ ប៉ាអយ បានឆ្លើយប្រាប់ត្រង់ៗថា លោកនឹងចូលរួមក្នុងពិធីមង្គលការរបស់ម៉ាដាម ដា និង លោក ប៊ឺរី ប្រសិនបើមានការអញ្ជើញពីម្ចាស់កម្មវិធី៕
