ព្រឹត្តិការប្រកួតកីឡាប៉ារ៉ាឡាំពិក រដូវក្ដៅ ឆ្នាំ២០២៤ នៅទីក្រុងប៉ារីស ប្រទេសបារាំង កំពុងដំណើរការប្រកួត ស្របពេលកម្ពុជា ក៏មានអត្តពលិកម្នាក់ក៏នឹងត្រូវចូលរួមប្រកួត ផងដែរ។
សម្រាប់អត្តពលិកកម្ពុជា វ៉ាន វុន នឹងចូលរួមប្រកួតកីឡាប៉ារ៉ាឡាំពិក រដូវក្ដៅ ឆ្នាំ២០២៤ នៅទីក្រុងប៉ារីស ប្រទេសបារាំង នៅថ្ងៃទី៤ ខែកញ្ញា នេះ ដោយប្រកួតលើវិញ្ញាសា ប្រណាំងរទេះ១០០ម៉ែត្រ ស្ថិតនៅក្នុងក្រុមទី១(Heat 1) ជាមួយកីឡាករមកពីម៉ិកស៊ិក ចិន អូស្ត្រាលី ហ្គំប៊ី អាមេនី និងថៃ វេលាម៉ោង ៤:៥០នាទីល្ងាច។
គិតត្រឹមម៉ោង ៩:០០នាទីព្រឹកថ្ងៃទី៤ កញ្ញា ២០២៤ ប្រទេសចិន ឈរកំពូលតារាងមេដាយសរុប ដោយដណ្ដើមបាន លើស១០០គ្រឿងមុនគេ ខណ:តាមពីក្រោយដោយអង់គ្លេស សរុប ៦១គ្រឿង និងអាមេរិក សរុប ៥៣គ្រឿង។
ព្រឹត្តិការណ៍ប្រកយតកីឡាប៉ារ៉ាឡាំពិករដូវក្តៅ ឆ្នាំ២០២៤ គឺជាកីឡាប៉ារ៉ាឡាំពិករដូវក្តៅលើកទី១៧ ដែលគ្រប់គ្រងដោយគណៈកម្មាធិការប៉ារ៉ាឡាំពិកអន្តរជាតិ ដែលធ្វើឡើងនៅទីក្រុងប៉ារីស ប្រទេសបារាំង ចាប់ពីថ្ងៃទី២៨ ខែសីហា ដល់ ថ្ងៃទី៨ ខែកញ្ញា ឆ្នាំ២០២៤៕
