លោក បណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់តះកម្ពុជា បានលើកឡើងថា ក្រោយមានការប្រមូលផ្ដុំរយ:ពេលខ្លីក៏ពិតមែន តែក្រុមបាល់ទះជម្រើសជាតិយើង មិនបានធ្វើអោយប្រជាពលរដ្ឋរបស់យើងខកចិត្តដែរ ព្រោះថាករប្រកួតដណ្ដើមកៅអី SEA V.League គឺជាការប្រកួតដ៏សំខាន់ ដែលកម្ពុជាចាំបាច់ត្រូវតែឈ្នះ។
លើសពីនេះក្រុមបាល់ទះជម្រើសជាតិកម្ពុជា ក៏ដណ្ដើមបានទឹកប្រាក់ ១០០លានរៀលពីពានរង្វាន់សម្តេចមហាបវធិបតី ហ៊ុន ម៉ាណែត ឆ្នាំ២០២៤ (SAMDECH MOHA BORVOR THIPADEI -2024) រួមជាទទួលកៅអីឡើងទៅវគ្គបន្តក្នុងពាន SEA V.League នៅឆ្នាំ២០២៥ ដែលជាជ័យជម្នះរបស់ប្រជាជាតិកម្ពុជាទាំងអស់គ្នា។
ទស្សនាវីដេអូកិច្ចសម្ភាសន៍ជាមួយលោក បណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់តះកម្ពុជា៖
សូមបញ្ជាក់ថាបេក្ខភាពក្នុងពានរង្វាន់សម្ដេចមហាបរវធិបតី ហ៊ុន ម៉ាណែត SAMDECH MOHA BORVOR THIPADEI -2024 ជ្រើសចេញពីពានរង្វាន់ SEA V.League Challenge ដោយមានក្រុមចូលរួមចំនួន៤ រួមមានកម្ពុជា ឡាវ ម៉ាឡេស៊ី និងសិង្ហបុរី ដែលចាប់ប្រកួតពីថ្ងៃទី៣០ខែសីហា ដល់ថ្ងៃទី១ ខែកញ្ញា ឆ្នាំ២០២៤ នៅវិមានពហុកីឡដ្ឋានជាតិ។
ដូច្នេះក្រុមបាល់ទះជម្រើសជាតិកម្ពុជា ទទួលបានជ័យលាភី ក្នុងនោះទី១ ទទួលបានឱកាសឡើងទៅប្រកួតក្នុងពានរង្វាន់តំបន់អាស៊ាន SEA V.League ឆ្នាំ២០២៥ ជាមួយក្រុមថៃ ឥណ្ឌូណេស៊ី និងហ្វីលីពីន និងទី២ ទទួលបានប្រាក់រង្វាន់១០០លានរៀល៕
