កណ្តាល៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល ឆ្លើយតបជូន សាធារណជនទៅនឹងផេកហ្វេសប៊ុក វុទ្ធីព័ត៌មាន និងបណ្តាញសង្គមមួយចំនួន ដែលបានបង្ហោះផ្សព្វផ្សាយវីដេអូសកម្មភាពកូនសិស្សសាលាវិទ្យាល័យសិរីមង្គល ជក់បារីអេឡិចត្រូនិក រួចបង្ហោញក្នុងបណ្តាញសង្គមហ្វេសប៊ុក។
ក្រោយពីទទួលបានព័ត៌មានរួច កម្លាំងផ្នែកជំនាញ និងកម្លាំងប៉ុស្តិ៍នគរបាលរដ្ឋបាលរកាកោងទី២ ស្រាវជ្រាវករណីខាងលើ ឃើញថា មានករណីក្រុមក្មេងសិស្សសាលាបានប្រើប្រាស់បារីអេឡិចត្រូនិកនៅសាធារណៈពិតមែនកាលពី កាលពីថ្ងៃទី៣០ ខែសីហា ឆ្នាំ ២០២៤ វេលាម៉ោង២២:១៣នាទី ស្ថិតនៅចំណុច តាមរោងលក់បាយសាលាវិទ្យាល័យសិរីមង្គល ភូមិព្រែកជ្រៅ ឃុំរកាកោងទី២ ស្រុកមុខកំពូល ខេត្តកណ្តាល ។
ក្រុមក្មេងទំនើងជាសិស្សសាលាមានគ្នាចំនួន០៧នាក់ ទី១.ឈ្មោះ មឿន ឡេណា ភេទស្រីអាយុ១៦ឆ្នាំ ជនជាតិខ្មែរ មុខរបរ សិស្ស មានទីលំនៅសព្វថ្ងៃ ភូមិស្ពានថ្មី ឃុំរការកោងទី២ ស្រុកមុខកំពូល ខេត្តកណ្តាល។ ២.ឈ្មោះ សុខុម កញ្ញា ភេទស្រី អាយុ ១៥ឆ្នាំ ជនជាតិខ្មែរ មុខរបរ សិស្ស មានទីលំនៅសព្វថ្ងៃ ភូមិស្ពានថ្មី ឃុំរការកោងទី២ ស្រុកមុខកំពូល ខេត្តកណ្តាល។ ៣.ឈ្មោះ សុន ណារត្ន័ ភេទស្រីអាយុ១៤ឆ្នាំមុខរបរសិស្សទីលំនៅសព្វថ្ងៃ ភូមិពោធិរលំឃុំរកាកោងទី២ស្រុកមុខកំពូលខេត្តកណ្តាល។ ៤.ឈ្មោះ ទីន រក្សា ភេទស្រីអាយុ១៦ឆ្នាំមុខរបរសិស្សទីលំនៅសព្វថ្ងៃភូមិស្ពានថ្មីឃុំរកាកោងទី២ស្រុកមុខកំពូលខេត្តកណ្តាល។ ៥.ឈ្មោះ ហាន ស្រីលាភ ភេទស្រីអាយុ១៨ឆ្នាំមុខរបរកម្មករទីលំនៅសព្វថ្ងៃភូមិស្ពានថ្មីឃុំរកាកោងទី២ស្រុកមុខកំពូលខេត្តកណ្តាល។ ៦.ឈ្មោះ វី ដានីតា ភេទស្រីអាយុ១៤ឆ្នាំមុខរបរសិស្សទីលំនៅសព្វថ្ងៃភូមិស្ពានថ្មីឃុំរកាកោងទី២ស្រុកមុខកំពូលខេត្តកណ្តាល។ ៧.ឈ្មោះ ម៉ៅ ចាន់ធី ភេទស្រីអាយុ១៤ឆ្នាំមុខរបរសិស្សទីលំនៅសព្វថ្ងៃភូមិស្ពានថ្មីឃុំរកាកោងទី២ស្រុកមុខកំពូលខេត្តកណ្តាល។
តាមការឱ្យដឹងពី សមត្ថកិច្ចខេត្តកណ្តាលបានឱ្យដឹងថា កាលពីថ្ងៃទី២៦ ខែមីនា ឆ្នាំ២០២៤ វេលាម៉ោង០៧:០០នាទី ឈ្មោះទាំង០៧នាក់ខាងលើ បានទៅរៀននៅវិទ្យាល័យសិរីមង្គល ស្ថិតនៅភូមិព្រែកជ្រៅ ឃុំរកាកោង២ទី ស្រុកមុខកំពូល ខេត្តកណ្តាល ជាធម្មតា លុះដល់ម៉ោងចេញលេងនៅម៉ោង១០:០០នាទី ក្មេងស្រីម្នាក់បាន បបួលអ្នកទាំង០៦នាក់ទៀត ទៅទិញភេសជ្ជៈហូបនៅខាងក្រោយសាលាកន្លែងរោងលក់បាយ ពេលកំពុងតែអង្គុយជុំគ្នានោះឈ្មោះ ហាន ស្រីលាភនបានទាញទូរស័ព្ទមកឡាយវីដេអូក្នុងFacebook របស់ខ្លននិយាយលេងហើយបានយកបារីអេឡិចត្រូនិកមកជក់តែម្ដង។
លុះដល់ថ្ងៃទី៣០ ខែសីហា ឆ្នាំ២០២៤វេលាម៉ោង២២:១៣នាទី កម្លាំងប៉ុស្តិ៍បានទទួលព័ត៌មានថា មានសិស្សានុសិស្សវិទ្យាល័យសិរីមង្គលជុំគ្នាឡាយវីដេអូជក់បារីអេឡិចត្រូនិក ។ ក្រោយពីទទួលព័ត៌មានរួចកម្លាំងប៉ុស្តិ៍រកាកោងទី២ សហការជាមួយកម្លាំងជំនាញស្រុកចុះមកហៅក្រុមក្មេងខាងលើមកសាកសួរនៅប៉ុស្តិ៍តែម្ដង។
បន្ទាប់ពីនាំក្មេងសិស្សសាលាទាំង៧នាក់មកសួរនាំ ក្រុមក្មេងទំនើងខាងលើបានសារភាពថាខ្លួនពិតជាបានជក់បារីអេឡិចត្រូនិកបង្ហោះឡាយវីដេអូក្នុងFacebookពិតប្រាកដមែន។ បច្ចុប្បន្ន ក្រុមក្មេងសិស្សសាលា ទាំង០៧នាក់ ត្រូវបានធ្វើការអប់រំណែនាំនៅប៉ុស្តិ៍នគរបាលរដ្ឋបាលរកាកោងទី២ និងបានអញ្ជើញអាណាព្យាបាលមកធានាយកទៅអប់រំបន្ត៕
អត្ថបទ៖កណ្តាល
