ពានរង្វាន់លីគកំពូលកម្ពុជា Cambodian Premier League ឆ្នាំ២០២៤-២៥ បានធ្វើដំណើរដល់សប្ដាហ៍ទី៣ហើយ ស្រប់ពេលដែលក្លិបបាល់ទាត់ព្រះខ័នរាជស្វាយរៀង គឺជាក្រុមតែ១ដែលទទួលបានកាតលឿងពិន័យត្រឹម១សន្លឹកប៉ុណ្ណោះ។
តែបើនិយាយពីក្រុមដែលទទួលបានកាតពិន័យច្រើនជាងគេគឺ គិរីវង់សុខសែនជ័យ មានចំនួន ៧សន្លឹក ចេញពីសំណាក់លោកអាជ្ញាកណ្ដាល ១២រូប ដោយមានកាតសរុបចំនួន ៥១សន្លឹក។
ក្រុមដែលទទួលបានកាតពិន័យ ពីលោកអាជ្ញាកណ្ដាល មានដូចខាងក្រោម៖
- គិរីវង់សុខសែនជ័យ កាតសរុបចំនួន ៧សន្លឹក
- ក្រសួងមហាផ្ទៃ កាតសរុបចំនួន ៧សន្លឹក
- អាយអេសអាយ ដង្កោសែនជ័យ សរុបចំនួន ៦សន្លឹក កាតក្រហម ២សន្លឹក
- វិសាខា សរុបចំនួន ៦សន្លឹក កាតក្រហម ១សន្លឹក
- ណាហ្គាវើលដ៍ សរុបចំនួន ៦សន្លឹក កាតក្រហម ១សន្លឹក
- អង្គរថាយហ្គឺរ សរុបចំនួន ៥សន្លឹក កាតក្រហម ១សន្លឹក
- ភ្នំពេញក្រោន កាតសរុបចំនួន ៤សន្លឹក
- Tiffy Army កាតសរុបចំនួន ៤សន្លឹក
- ឡាយហ្វ ខេត្តព្រះសីហនុ កាតសរុបចំនួន ៣សន្លឹក
- បឹងកេត កាតសរុបចំនួន ២សន្លឹក
- ព្រះខ័នរាជស្វាយរៀង កាតសរុបចំនួន ១សន្លឹក
ក្នុងនោះលោកអាជ្ញាកណ្ដាលទាំង ១២រូបដែលបានចាយកាត ត្រឹមសប្ដាហ៍ទី៣ រួមមាន៖
- លោក អ៊ីវ ទីណា ដឹកនាំ ២ប្រកួត កាតលឿង ៨ ក្រហម ២ សរុប ១០សន្លឹក
- លោក ឃួន វីរ: ដឹកនាំ ២ប្រកួត កាតលឿង ៦ ក្រហម ១ សរុប ៧សន្លឹក
- លោក ពឹង សុជាតិ ដឹកនាំ ១ប្រកួត កាតលឿង ៥ ក្រហម ២ សរុប ៧សន្លឹក
- លោក ថន ថាវ័ន្ត ដឹកនាំ ១ប្រកួត កាតលឿង ៤ សន្លឹក
- លោក ប្រឹម ម៉េងហ័រ ដឹកនាំ ១ប្រកួត កាតលឿង ៤ សន្លឹក
- លោក នៅ ភក្ដី ដឹកនាំ ១ប្រកួត កាតលឿង ៤ សន្លឹក
- លោក ឃិន ឧសីហា ដឹកនាំ ១ប្រកួត កាតលឿង ៣សន្លឹក
- លោក ជី សាមឌី ដឹកនាំ ២ប្រកួត កាតលឿង ៣សន្លឹក
- លោក ស៊ុំ វីយូរ៉ា ដឹកនាំ ១ប្រកួត កាតលឿង ៣សន្លឹក
- លោក ហោ ប៊ុនថង ដឹកនាំ ១ប្រកួត កាតលឿង ២សន្លឹក
- លោក ជួប វិសាល ដឹកនាំ ១ប្រកួត កាតលឿង ២សន្លឹក
- លោក យាន ប៊ុនថង ដឹកនាំ ១ប្រកួត កាតលឿង ២សន្លឹក
ពានរង្វាន់លីគកំពូលកម្ពុជា រដូវកាលឆ្នាំ២០២៤-២៥ នេះមានសមាជិកចំនួន១១ក្រុម ដោយប្រកួតប្រជែងពីថ្ងៃទី១០ ខែសីហា ឆ្នាំ២០២៤ ដល់ថ្ងៃទី១៧ ខែឧសភា ឆ្នាំ២០២៥ ខាងមុខ ដោយតម្រូវក្រុមជាសមាជិកប្រកួតវិលជុំសន្សំពិន្ទុចំនួន២ជើង ហើយក្រុមចំណាត់ថ្នាក់លេខ១ដល់លេខ៦ បន្តប្រកួតយកជើងឯក ខណៈក្រុមលេខ៧ ដល់១១ ត្រូវប្រកួតយកចំណាត់ថ្នាក់៕
