ភ្នំពេញ៖ រថយន្តតូយ៉ូតាព្រូសមួយគ្រឿងអ្នកបេីកបររថយន្តបេីកក្នុងស្ថានភាពស្រវឹងបានបេីករថយន្តយ៉ាងលឿនហេីយរ៉េចង្កូតទៅបុករបាំងថ្មពុះចែកទ្រូងផ្លូវបណ្តាលឲ្យរងការខូចខាតរថយន្តខ្លួនឯងយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង៣នឹង៣៥នាទីរំលងអាធ្រាតឈានចូលថ្ងៃទី០៦ខែកញ្ញាឆ្នាំ២០២៤នៅតាមបណ្តោយផ្លូវ២៧១កែងផ្លូវ ២០០២ដែលស្ថិតនៅសង្កាត់ទឹកថ្លាខណ្ឌសែនសុខរាជធានីភ្នំពេញ ។
តាមប្រភពពត៌មានពីកន្លែងកើតហេតុបាននិយាយប្រាប់ថានៅមុនពេលកេីតហេតុគេឃើញរថយន្តម៉ាកតូយ៉ូតាព្រូសពណ៌ ទឹកប្រាក់ពាក់ស្លាកលេខភ្នំពេញ2AH-7387បេីកបរដោយបុរសម្នាក់ក្នុងស្ថានភាពស្រវឹងបេីកតាមបណ្តោយផ្លូវ ២៧១ បេីកក្នុងទិសដៅពីជេីងទៅត្បូង ក្នុងល្បឿនយ៉ាងលឿន លុះបេីកមកដល់ចំណុចកេីតហេតុ ក៏ស្រាប់តែឃើញរថយន្តខាងលើ បានរ៉េចង្កូតទៅផ្នែកខាងឆ្វេង បណ្តាលឲ្យជ្រុលទៅបុករបាំងថ្មពុះចែកទ្រូងផ្លូវបណ្តាលឲ្យរងការខូចខាតរថយន្តខ្លួនឯងយ៉ាងធ្ងន់ធ្ងរផ្នែកខាងមុខ ចំណែកឯ របាំងថ្មពុះចែកទ្រូងផ្លូវវិញ រងការខូចខាតតិចតួច គ្រាន់តែ វេចទ្រុងទ្រាយ តិចតួច ។ បន្ទាប់មកដោយមាន កំលាំងសមត្ថកិច្ចនគរបាលប៉ុស្តិ៍បានមកដល់ភ្លាម ចំណែកអ្នកបេីកបរ បានដេីរចេញពីកន្លែងកើតហេតុបាត់ស្រមោល ដោយទុករថយន្តនៅកន្លែងកើតហេតុផងដែរ ។
ក្រោយពេលកេីតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចជំនាញនៃការរិយាល័យចរាចរណ៍ផ្លូវគោករាជធានីភ្នំពេញដេីម្បីស្ទូចរថយន្តខាងលើយកទៅរក្សាទុកដេីម្បីរងចាំការដោះស្រាយថ្ងៃក្រោយ៕
អត្ថបទ៖ សេង សាវី
