ក្រុមបាល់ទាត់ជម្រើសជាតិទីម័រខាងកើត បានយកឈ្នះម៉ុងហ្គោលី ក្នុងលទ្ធផល ៤ទល់និង១ វគ្គជម្រុះជើងទី១ (Play off) ពានរង្វាន់ប្រចាំទ្វីប AFC Asian Cup Saudi Arabia 2027 កាលពីថ្ងៃទី៥ ខែកញ្ញា ឆ្នាំ២០២៤។
ខណ:កីឡាករ João Pedro da Silva Freitas របស់អង្គរថាយហ្គឺរ ក្លាយជាកីឡាករអាស៊ានដំបូងគេពីលីគកំពូលកម្ពុជា Cambodian Premier League ស៊ុតបញ្ចូលទី៣គ្រាប់ Hat-trick ឲ្យក្រុមបាល់ទាត់ជម្រើសជាតិទីម័រខាងកើត។
ស្របពេលក្រុមជម្រើសជាតិកម្ពុជា ក្រោមការដឹកនាំរបស់លោក Félix Dalmás គ្រូបង្វឹកជនជាតិអាហ្សង់ទីន បានត្រឹមស្មើជាមួយក្រុមម្ចាស់ផ្ទះស្រីលង្កា ០-០ ក្នុងវគ្គជម្រុះជើងទី១ (Play off) ពានរង្វាន់ប្រចាំទ្វីប AFC Asian Cup Saudi Arabia 2027 នៅថ្ងៃទី៥ កញ្ញា ២០២៤នេះ នៅកីឡដ្ឋាន Racecourse International។
កម្មវិធីប្រកួតរវាងកម្ពុជា ទល់នឹងស្រីលង្កា ជើងទី២៖
- នៅថ្ងៃទី១០ ខែកញ្ញា ឆ្នាំ២០២៤ កម្ពុជា ប៉ះស្រីលង្កា នៅពហុកីឡដា្ឋនជាតិ រាជធានីភ្នំពេញ។
ដោយឡែកក្រុមជម្រើសជាតិម៉ាកាវ នឹងត្រូវជួប ប្រ៊ុយណេ ថ្ងៃទី១០ ខែកញ្ញា ឆ្នាំ២០២៤ វេលាម៉ោង ៨:០០យប់ នៅកីឡដ្ឋាន Hassanal Bolkiah National Stadium។
ក្រុមចំនួន៣ ដែលទទួលបានជ័យជម្នះទាំង២ជើង នឹងឡើងទៅជម្រុះជុំទី៣ (វគ្គជម្រុះក្នុងពូល) ដែលមាន១៩ប្រទេសដើម្បីប្រកួតប្រជែងគ្នាយក៦ក្រុមឡើងទៅជុំផ្តាច់ព្រ័ត្រ 2027 AFC Asian Cup នៅប្រទេសអារ៉ាប៊ីសាអ៊ូឌីតជាម្ចាស់ផ្ទះ៕
