ក្រុមបាល់ទាត់នារីវិសាខា នឹងធ្វើដំណើរទៅកាន់ខេត្តស្វាយរៀង ដើម្បីប្រកួតទល់នឹងក្រុមបាល់ទាត់នារីស្វារៀង ក្នុងជំនួបសប្ដាហ៍ទី៤ នៃការប្រកួតពានរង្វាន់បាល់ទាត់ខេមបូឌានលីគនារី (Cambodian Women’s League) ឆ្នាំ២០២៤-២៥។
ក្នុងជំនួបប៉ះក្រុមក្នុងតំបន់ Top4 លើកនេះតើវិសាខា អាចរក្សាកំណត់ត្រាឈ្នះគ្រាប់ការប្រកួតរបស់ខ្លួនបានឬយ៉ាងណា ស្រប់ពេលឆ្លងកាត់ ៣ប្រកួតរួចមកឈ្នះទាំង ៣ប្រកួត ដោយឈ្នះក្រុមបាល់ទាត់នារី នៃសមាគមក្លឹបបាល់ទាត់មីស្ទើរលេង ក្នុងលទ្ធផល ១៧-០ ឈ្នះក្រុមនារីសលត៍ ខេត្តបាត់ដំបង ក្នុងលទ្ធផល ១៨-០ និងបន្តយកឈ្នះក្រុមមន្ទីរ អ.យ.ក ខេត្ដកំពង់ឆ្នាំង ក្នុងលទញធផល ៧-០ ដោយមិនរបូតគ្រាប់ ១គ្រាប់ (Clean Sheets)។
កម្មវិធីប្រកួត នៅសប្ដាហ៍ទី៤៖
ត្រឹមសប្ដាហ៍ទី៣ ក្រុមបាល់ទាត់នារីវិសាខា ឈរកំពូលតារាងជាប់គ្នា និងស៊ុតបញ្ជូលទីបាន ៤២គ្រាប់ និងមាន ៩ពិន្ទុពេញ។ ខណ:ព្រះខ័នរាជស្វាយរៀង ឈរចំណាត់ថ្នាក់លេខ៤ ៣ប្រកួត ឈ្នះ២ ស្មើ១ និងស៊ុតបាន ១៦គ្រាប់ របូត ១គ្រាប់ មាន ៧ពិន្ទុ។
តារាងចំណាត់ថ្នាក់ ត្រឹមសប្ដាហ៍ទី៣៖
សូមបញ្ជាក់ថាលីគនារីកម្ពុជា តម្រូវឱ្យក្រុមទាំង១០ប្រកួតគ្នាវិលជុំចំនួន២ជើងហើយក្រុមដែលមានពិន្ទុច្រើនជាងគេមានឈ្មោះបន្តប្រកួតវគ្គពាក់កណ្តាលផ្ដាច់ព្រ័ត្រ ដោយក្រុមលេខ៣ ប៉ះក្រុមលេខ៤ រកអ្នកឈ្នះឡើងទៅប៉ះក្រុមលេខ២ ខណៈក្រុមលេខ១ មានឈ្មោះចាំប្រកួតនៅវគ្គផ្ដាច់ព្រ័ត្រ។
តាមគម្រោងការប្រកួតធ្វើនេះចាប់ផ្ដើមពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី៨ ខែកុម្ភៈ ឆ្នាំ២០២៥ ដោយការប្រកួតត្រូវធ្វើ Home/Away លើទឹកដីរបស់ក្រុមទាំង១០ម្តងម្នាក់៕
