សិល្បៈអន្តរជាតិ៖ កំពូលតារាសម្ដែងស្រីរូបស្រស់ Zhao Lusi និងតារាសម្ដែងប្រុស Zhang Linghe កំពុងជជែកជាមួយនឹងក្រុមការងារថតពាក់ព័ន្ធនឹងការថតភាពយន្តភាគបែបបុរាណថ្មីមួយទៀតឱ្យ IQiyi ដែលរឿងនេះបើតាមការផ្សាយពីសារព័ត៌មានក្នុងស្រុក នឹងបើកកាមេរ៉ាថតនៅក្នុងខែធ្នូខាងមុខនេះ។
រឿងភាគដែលកំពូលតារាសម្ដែងឆ្នើមចិន នាង Zhao Lusi នឹងសម្ដែងនោះមានចំណងជើង Moon City Flowers Fall ឬ A Beautiful Destiny។
តាមការទម្លាយឱ្យដឹងខ្លះៗពីសាច់រឿងនេះ គេនិយាយពីសេចក្ដីស្នេហារវាងព្រះអង្គម្ចាស់ Ji Luo Wei នៃគ្រួសារ Zhao និង Yin Ze ដែលជាអាទិទេពសមុទ្រ។ នៅក្នុងពិភពទេវៈ ព្រះអង្គមានរូបរាងជាទេព ប៉ុន្តែព្រះអង្គ បែរជាមិនអាចយកឈ្នះសេចក្ដីស្រលាញ់ពីនារីដែលទ្រង់ប្រតិព័ទ្ធ ដូច្នេះដើម្បីធ្វើឱ្យនារីដែលខ្លួនស្រលាញ់សប្បាយចិត្ត ព្រះអង្គបានប្រើសិល្ប៍ បង្កើតទីក្រុងទទេស្អាតមួយ នៅស្ថានព្រះច័ន្ទ ប៉ុន្តែមួយរយឆ្នាំក្រោយមក ដួងព្រលឹងរបស់ Su Zhao បានកើតឡើងហើយក្រោយមក SuZhao បានធ្វើឱ្យទីក្រុងនោះ ក្លាយជាទីក្រុងដែលរុងរឿងនិងសំបូរសប្បាយ។
ត្បិតមិនទាន់មានសេចក្ដីប្រកាសជាផ្លូវការ ប៉ុន្តែបើតាមពាក្យចចាមអារ៉ាម និងប្រភពផ្ទៃក្នុងបានឱ្យដឹងថា រឿងភាគថ្មីនេះ នឹងសម្ដែងដោយ Zhao Lusi យ៉ាងណាមិញមានតែរងចាំស្ដាប់ដំណឹងល្អជាមួយគ្នាជាបន្តទៀត៕
