ក្រោយរូបភាពវីដេអូរបស់កញ្ញា ហង្ស សុជាតា និងអ្នកនាង ឌុច លីដា ត្រូវបានប៉ូលិសចាប់ឃាត់និងនាំទៅប៉ុស្ដិ៍កាលពីយប់មិញបានបែកធ្លាយ ធ្វើឱ្យមានការតាមដាន និងចាប់អារម្មណ៍ខ្លាំងពីសំណាក់សាធារណជន យ៉ាងណាមិញ ម្ចាស់រឿងបានចេញមកបំភ្លឺ ហើយនៅព្រឹកថ្ងៃទី៩ ខែកញ្ញា ឆ្នាំ២០២៤ នេះ។
កញ្ញា ហង្ស សុជាតា បានប្រើប្រាស់គណនីហ្វេសប៊ុកខ្លួនបកស្រាយករណីយល់ច្រឡំខាងលើនេះថា៖ «សូមជំរាបជូនបងប្អូនមហាជនទាំងអស់នឹងហ្វេនហ្វេននាងខ្ញុំដែរស្រលាញ់នឹងបារម្មណ៍ពីរសុខទុក្ខនាងខ្ញុំទាំងពីរ ចំពោះបញ្ហាបានបញ្ចប់រួចរាល់ហើយ តាំងពីយប់ហ្នុង គ្រាន់តែpageខ្លះគាត់ចង់គេងចំណេញពីរឿងនេះ នឹងផុសបំភ្លើសនឹងបំពុល ដើម្បីទៀមទារ views សូមអរគុណបងប្អូនសំរាប់ការដែរស្រលាញ់នឹងបារម្មណ៍។ ពីនាងខ្ញុំ ទាំងពីរ។ ដើម្បីតែឆ្អែតក្រពះខ្លួនអែង មកបំពានដល់ខ្ញុំដែលគ្មានកំហុស តើបងប្អូនគិតថាសមអត់ នេះជាទង្វើរអ្វីទៅ សំរាប់បងប្អូនកាន់ page មួយចំនួន សូមពិចារណាតាមការគួរ»
ទាំងនេះ គឺជាខ្លឹមសារនៃការបកស្រាយដោយកញ្ញា ហង្ស សុជាតា ដែលបានបង្ហោះបញ្ជាក់នៅលើគណនីហ្វេសប៊ុករបស់កញ្ញា ដោយមានបង្ហោះ Tag ឱ្យដៃគូនៅក្នុងរូបភាពវីដេអូបែកធ្លាយគឺអ្នកនាង ឌុច លីដា ផងដែរ៕
