ធ្វើដំណើរបាន ៤សប្ដាហ៍រួមមក ក្រុមបាល់ទាត់មន្ទីរ អយក ខេត្តកំពង់ឆ្នាំង និងសលត៍ ខេត្តបាត់ដំបង គឺជាក្រុមដែលទើមរកបានគ្រាប់បាល់ នៃពានរង្វាន់លីគនារីកម្ពុជា Cambodian Women’s League រដូវកាល២០២៤-២៥។
ក្នុងជំនួបនៅសប្ដាហ៍ទី៤ ក្រុមទាំង២ បានប៉ះគ្នាដោយស៊ុតបញ្ចូលទីគ្នាទៅវិញទៅមក សរុប១០គ្រាប់ ដែលជាគ្រាប់បាល់ដែលរកបានជាលើកដំបូងរបស់ខ្លួនផងដែរ ក្រោយបរាជ័យ ៣ប្រកួតដូចគ្នា។
មន្ទីរ អយក ខេត្តកំពង់ឆ្នាំង ចាញ់បឹងកេត ៦-០ សប្ដាហ៍ទី១ ចាញ់ណាហ្គាវើដល៍ ៩-០ សប្ដាហ៍ទី២ បន្តចាញ់វិសាខា ៧-០ សប្ដាហ៍ទី៣ និងប្រកួតចុងក្រោយ យកឈ្នះសលត៍ ខេត្តបាត់ដំបង ៦-៤ ដែលជាការរកគ្រាប់បាល់បានជាលើកដំបូង។
ដោយឡែកសលត៍ ខេត្តបាត់ដំបង ចាញ់ក្លិបបាល់ទាត់សៀមរាប ១៥-០ សប្ដាហ៍ទី១ ចាញ់វិសាខា ១៨-០ សប្ដាហ៍ទី២ បន្តចាញ់ភ្នំពេញក្រោន ២៥-០ សប្ដាហ៍ទី៣ និងប្រកួតចុងក្រោយ ចាញ់សលត៍ ខេត្តបាត់ដំបង ៤-៦ ដែលជាការរកគ្រាប់បាល់បានជាលើកដំបូង។
សូមបញ្ជាក់ថាលីគនារីកម្ពុជា តម្រូវឱ្យក្រុមទាំង១០ប្រកួតគ្នាវិលជុំចំនួន២ជើងហើយក្រុមដែលមានពិន្ទុច្រើនជាងគេមានឈ្មោះបន្តប្រកួតវគ្គពាក់កណ្តាលផ្ដាច់ព្រ័ត្រ ដោយក្រុមលេខ៣ ប៉ះក្រុមលេខ៤ រកអ្នកឈ្នះឡើងទៅប៉ះក្រុមលេខ២ ខណៈក្រុមលេខ១ មានឈ្មោះចាំប្រកួតនៅវគ្គផ្ដាច់ព្រ័ត្រ។
តាមគម្រោងការប្រកួតធ្វើនេះចាប់ផ្ដើមពីថ្ងៃទី១៧ ខែសីហា ឆ្នាំ២០២៤ ដល់ថ្ងៃទី៨ ខែកុម្ភៈ ឆ្នាំ២០២៥ ដោយការប្រកួតត្រូវធ្វើ Home/Away លើទឹកដីរបស់ក្រុមទាំង១០ម្តងម្នាក់៕
តារាងចំណាត់ថ្នាក់ ត្រឹមសប្ដាហ៍ទី៤៖
