ព្រឹត្តិការណ៍កីឡាជនពិការពិភពលោក ប៉ារ៉ាឡាំពិក ត្រូវបានបង្កើតឡើងនៅឆ្នាំ១៩៦០ ពោលគឺមានអាយុកាល ៦៤ឆ្នាំ ហើយ សម្រាប់ប្រទេសនៅក្នុងតំបន់អាស៊ាន ចំនួន៨ គឺធ្លាប់ដណ្តើមបានមេដាយពីព្រឹត្តិការណ៍កីឡារ៤ឆ្នាំម្តងនេះ សរុបចំនួន ២៦៩គ្រឿងឯណោះ។
តើប្រទេសទាំង៨ នៅក្នុងតំបន់អាស៊ាន ដែលទទួលបានមេដាយពីព្រឹត្តិការណ៍កីឡាប៉ារ៉ាឡាំពិក នោះមានប្រទេសណាខ្លះ? ដូចនេះសារព័ត៌ត្រយង សូមជម្រាបជូនប្រិយមិត្តដូចតទៅ៖
- ទី១) ប្រទេសថៃ ដណ្តើមបានមេដាយសរុបចំនួន១១៧គ្រឿង មាស៣០ បា្រក់៤០ និងសំរិទ្ធ៤៧គ្រឿង
- ទី២) ប្រទេសម៉ាឡេស៊ី ដណ្តើមបានមេដាយសរុបចំនួន២១គ្រឿង មាស៨ បា្រក់៦ និងសំរិទ្ធ៧គ្រឿង
- ទី៣) ប្រទេសឥណ្ឌូណេស៊ី ដណ្តើមបានមេដាយសរុបចំនួន៤១គ្រឿង មាស៧ បា្រក់១៥ និងសំរិទ្ធ១៩គ្រឿង
- ទី៤) ប្រទេសសិង្ហបុរី ដណ្តើមបានមេដាយសរុបចំនួន១៤គ្រឿង មាស៧ បា្រក់៣ និងសំរិទ្ធ៤គ្រឿង
- ទី៥) ប្រទេសមីយ៉ានម៉ា ដណ្តើមបានមេដាយសរុបចំនួន៧គ្រឿង មាស២ បា្រក់៣ និងសំរិទ្ធ២គ្រឿង
- ទី៦) ប្រទេសវៀតណាម ដណ្តើមបានមេដាយសរុបចំនួន៦គ្រឿង មាស១ បា្រក់៩ និងសំរិទ្ធ៣គ្រឿង
- ទី៧) ប្រទេសហ្វីលីពីន ដណ្តើមបានមេដាយសរុបចំនួន២គ្រឿង សំរិទ្ធទាំង ២គ្រឿង
- ទី៨) ប្រទេសឡាវ ដណ្តើមបានមេដាយសរុបចំនួន១គ្រឿង ជាមេដាយសំរិទ្ធ។
ដោយឡែកសម្រាប់ព្រឹត្តិការណ៍កីឡាប៉ារ៉ាឡាំពិក ដែលប្រទេសបារាំង ទទួលសិទ្ធជាម្ចាស់ផ្ទះ គឺបានចាប់ផ្តើមពីថ្ងៃទី២៨ ខែសីហា និងបានបិទទៅវិញនៅថ្ងៃទី៨ ខែកញ្ញា ឆ្នាំ២០២៤ ហើយប្រទេសដែលដណ្តើមបានមេដាយច្រើនជាងគេ គឺប្រទេសចិន ដណ្តើមបានសរុប២២០គ្រឿង មាស ៩៤ ប្រាក់៧៦ សំរឹទ្ធ៥០គ្រឿង។
ចំពោះព្រឹត្តិការណ៍កីឡាអូឡាំពិក និងប៉ារ៉ាឡាំពិក ឆ្នាំ២០២៨ គឺសហរដ្ឋអាមេរិក នឹងទទួលរៀបចំជាម្ចាស់ផ្ទះ ចំពោះព្រឹត្តិការណ៍កីឡាពិភពលោក ៤ឆ្នាំម្តងមួយនេះ៕
